അമിത് ചക്കാലക്കലിന് ആശ്വാസം; ലാൻഡ് ക്രൂയിസർ തിരികെ കിട്ടി

ഭൂട്ടാൻ വാഹനക്കടത്ത് കേസിൽ കസ്റ്റംസ് പിടിച്ചെടുത്ത നടൻ അമിത് ചക്കാലക്കലിന്റെ വാഹനം വിട്ടുനൽകി. നടൻ നൽകിയ അപേക്ഷ പരിഗണിച്ച് കസ്റ്റംസ് അഡീഷണൽ കമ്മീഷണറാണ് ലാൻഡ് ക്രൂയിസർ വാഹനം വിട്ടുനൽകാൻ തീരുമാനിച്ചത്. സംഭവവുമായി ബന്ധപ്പെട്ട് ചോദ്യം ചെയ്യലിനായി ഇഡി അമിത് ചക്കാലക്കലിന് നോട്ടീസ് അയച്ചിരുന്നു.

ഫെമ നിയമം ഉൾപ്പെടെ ചുമത്തിയാണ് ഈ കേസിൽ നടൻ ദുൽഖർ സൽമാൻ, അമിത് ചക്കാലക്കൽ എന്നിവരുടെ വീടുകൾ ഉൾപ്പെടെ 17 ഇടങ്ങളിൽ ഇഡി റെയ്ഡ് നടത്തുകയും വാഹനങ്ങളുടെ രേഖകൾ പിടിച്ചെടുക്കുകയും ചെയ്തത്. ഇഡി പിടിച്ചെടുത്ത രേഖകൾ പരിശോധിച്ച ശേഷമാണ് അമിത് ചക്കാലക്കലിനോട് കൊച്ചി ഓഫീസിൽ ഹാജരാകാൻ നിർദേശം നൽകിയത്.