വിറ്റാമിൻ ഡി കുറവാണോ? ഗുളിക മാത്രം പോരാ, ഈ ഭക്ഷണശീലങ്ങൾ ശ്രദ്ധിക്കുക

എല്ലുകളുടെ ആരോഗ്യത്തിനും പ്രതിരോധശേഷിക്കും അനിവാര്യമായ ഒന്നാണ് വിറ്റാമിൻ ഡി. എന്നാൽ ലോകമെമ്പാടുമായി ഏകദേശം 100 കോടി ജനങ്ങളെ ഇതിൻ്റെ കുറവ് ബാധിക്കുന്നുണ്ട് എന്നാണ് കണ്ടെത്തൽ. ഇത് പലപ്പോഴും ക്ഷീണം, അസ്ഥി വേദന, പേശീ ബലഹീനത എന്നിവയുടെ രൂപത്തിലാണ് പ്രകടമാകുന്നത്. കുട്ടികളിൽ ഇത് റിക്കറ്റുകൾ (Rickets) പോലുള്ള വളർച്ചാ വൈകല്യങ്ങൾക്കും, മുതിർന്നവരിൽ ഓസ്റ്റിയോമലാസിയ (Osteomalacia) പോലുള്ള അസ്ഥിവൈകല്യങ്ങൾക്കും വഴിവെക്കും.

Also Read: കോൾഗേറ്റിന്റെ ചിരി മായുന്നു; ഇന്ത്യക്കാർ പല്ലു തേക്കുന്നില്ലേ… പതഞ്ജലി ‘പല്ല് കാട്ടി’ ചിരിക്കുന്നു!

പലരും ഗുളിക രൂപത്തിൽ വിറ്റാമിൻ ഡി കഴിക്കുമ്പോഴും ശരിയായ ഭക്ഷണക്രമം പാലിക്കാത്തതിനാൽ അതിൻ്റെ പൂർണ്ണമായ പ്രയോജനം ശരീരത്തിന് ലഭിക്കുന്നില്ല. വിറ്റാമിൻ ഡി ഗുളികകൾ കഴിക്കുമ്പോൾ ശ്രദ്ധിക്കേണ്ട 3 ലളിതമായ കാര്യങ്ങൾ ഹൈദരാബാദിലെ അപ്പോളോ ആശുപത്രിയിലെ ഡോക്ടർ സുധീർ കുമാർ വിശദീകരിക്കുന്നത് ഇങ്ങനെ.

Also Read: ഓറൽ ക്യാൻസറിൽ ഞെട്ടിക്കുന്ന കണക്കുമായി ലേക്ഷോർ; പകുതിയിലേറെയും കാരണം കണ്ടെത്താനാകാത്ത കേസുകൾ

വിറ്റാമിൻ ഡി കൊഴുപ്പിൽ അലിയുന്ന (Fat-Soluble) ഒന്നാണ്. അതിനാൽ, വെറും വയറ്റിൽ കഴിക്കുന്നത് ആഗിരണം 50% വരെ കുറയ്ക്കാൻ സാധ്യതയുണ്ട്. വിറ്റാമിൻ ഡി രക്തത്തിൽ പ്രവേശിക്കാൻ കൊഴുപ്പുമായി ചേരേണ്ടത് അത്യാവശ്യമായതിനാൽ, ഗുളികകൾ ഭക്ഷണത്തോടൊപ്പം മാത്രം കഴിക്കുക എന്നതാണ് പ്രധാനം. ഗുളിക കഴിക്കുമ്പോൾ ഏതെങ്കിലും ഒരു നേരത്തെ ഭക്ഷണം ഒഴിവാക്കിയാൽ അതും മരുന്നിൻ്റെ ഫലം ഇല്ലാതാക്കിയേക്കാം.

Also Read: ലൈംഗികത ആസ്വദിക്കാൻ കഴിയുന്നില്ല; ഗർഭനിരോധന മാർഗങ്ങളിൽ നിന്നും ആളുകൾ അകലുന്നു

ദിവസത്തിലെ ഏറ്റവും കൂടുതൽ ഭക്ഷണം കഴിക്കുന്ന സമയത്തിന് ശേഷം (പലർക്കും ഉച്ചഭക്ഷണം) ഈ ഗുളിക കഴിക്കുന്നത് വിറ്റാമിൻ ഡി ആഗിരണം ചെയ്യാൻ കൂടുതൽ സഹായകമാകും. ഈ ഭക്ഷണത്തിൽ കുറഞ്ഞ അളവിലെങ്കിലും കൊഴുപ്പ് ഉണ്ടെന്ന് ഉറപ്പാക്കണം. ഇതിന് പുറമേ, വിറ്റാമിൻ ഡി ഗുളിക കഴിക്കുമ്പോൾ അതിനോടൊപ്പം ആരോഗ്യകരമായ കൊഴുപ്പടങ്ങിയ ഭക്ഷണങ്ങൾ കഴിക്കുന്നത് കൂടുതൽ ഫലം ചെയ്യും. പാൽ, മുട്ട, നട്‌സ്, അവക്കാഡോ എന്നിവയോടൊപ്പം വിറ്റാമിൻ ഡി കഴിക്കുന്നത് ആഗിരണ ശേഷി ഗണ്യമായി വർദ്ധിപ്പിക്കുമെന്ന് ഡോക്ടർമാർ നിർദ്ദേശിക്കുന്നു.

Also Read: മൂന്നുവയസുകാരിയെ പുഴയിലെറിഞ്ഞ അമ്മ തൈറോയ്ഡ് ചികിത്സയിലെന്ന മൊഴി നിർണായകം; കുടുംബം കലക്കുന്നവരിൽ പ്രധാനി ‘ഹൈപ്പർതൈറോയ്ഡിസം’

ഈ ചെറിയ ഭക്ഷണക്രമ മാറ്റങ്ങൾ പിന്തുടരുന്നത് ആരോഗ്യത്തിന് വളരെ ഫലപ്രദമാണ്. ദിവസേനയുള്ള സൂര്യപ്രകാശത്തോടൊപ്പം ഈ ശീലങ്ങൾ കൂടി പാലിച്ചാൽ എല്ലുകൾക്കും പേശികൾക്കും കൂടുതൽ ശക്തി ലഭിക്കുകയും ഗുരുതരമായ ആരോഗ്യപ്രശ്നങ്ങൾ ഒഴിവാക്കി മൊത്തത്തിലുള്ള രോഗപ്രതിരോധ ശേഷി വർധിക്കുകയും ചെയ്യും.