‘ഓടക്കുഴൽ’ ബാറിൽ വച്ച് പോസ്റ്റിട്ട സിപിഎം പ്രവർത്തകനെതിരെ കേസ്; സംഭവം ശ്രീകൃഷ്ണ ജയന്തി ദിനത്തിൽ

“ഓടക്കുഴൽ’ മറന്നുവെച്ചിട്ടുണ്ട്, കണ്ണന് ബോധം തെളിയുമ്പോൾ വന്ന് എടുക്കാൻ അറിയിക്കുക”, ഈ പോസ്റ്റ് ആണ് സോഷ്യൽ മീഡിയയിൽ വിവാദത്തിന് തിരികൊളുത്തിയത്. ഓടക്കുഴൽ ബാറിൽ വച്ച് ഫോട്ടോയെടുത്ത് പോസ്റ്റ് ചെയ്ത സിപിഎം പ്രവർത്തകനെതിരെയാണ് ഇപ്പോൾ പൊലീസ് കേസ് എടുത്തത്. മുഴക്കുന്ന് സ്വദേശി വട്ടപ്പൊയിൽ ശരത്തിനെതിരെയാണ് കേസ്.

ശ്രീകൃഷ്ണ ജയന്തി ദിനത്തിലാണ് സംഭവം. ഈ ദിവസം ഇയാൾ ബാറിൽ എത്തി ഓടക്കുഴൽ കൗണ്ടറിന് മുകളിൽ വച്ച് ഫോട്ടോ എടുത്തു. തുടർന്ന് ഈ ഫോട്ടോ വിവാദക്കുറിപ്പോടെ പോസ്റ്റ് ചെയ്തു. സംഭവം ശ്രദ്ധയിൽപ്പെട്ട പൊലീസ് ഉടൻ തന്നെ കേസെടുത്തു. മനപ്പൂർവ്വം കലാപവും സംഘർഷവും ഉണ്ടാക്കാൻ ശ്രമിച്ചുവെന്ന കുറ്റമാണ് ഇയാൾക്കെതിരെ ചുമത്തിയത്.