യാത്രക്കിടെ ജഗതി ശ്രീകുമാറിനെ കണ്ടു; സന്തോഷം പങ്കുവച്ച് മുഖ്യമന്ത്രി പിണറായി വിജയന്‍

വാഹനാപകടത്തെ തുടര്‍ന്ന് വിശ്രമ ജീവിതം നയിക്കുന്ന മലയാളത്തിന്റെ പ്രിയ നടന്‍ ജഗതി ശ്രീകുമാറിനെ കണ്ടെ സന്തോഷം പങ്കുവച്ച് മുഖ്യമന്ത്രി പിണറായി വിജയന്‍. ഫെയ്‌സ്ബുക്ക് പോസ്റ്റിലാണ് മുഖ്യമന്ത്രി സന്തോഷം പങ്കുവച്ചത്. എറണാകുളത്തേക്കുളള യാത്രക്കിടെയാണ് ഈ കൂടിക്കാഴ്ച. ജഗതിയെ സീറ്റിന് അടുത്ത് എത്തി സ്‌നേഹത്തോടെ ചേര്‍ത്തു പിടിച്ച് നില്‍ക്കുന്ന ചിത്രവും മുഖ്യമന്ത്രി പോസ്റ്റ് ചെയ്തിട്ടുണ്ട്.

‘ഇന്ന് എറണാകുളത്തേക്കുള്ള യാത്രക്കിടെ മലയാളത്തിന്റെ അതുല്യനടന്‍ ജഗതി ശ്രീകുമാറിനെ കണ്ടുമുട്ടി. സുഖവിവരങ്ങള്‍ അന്വേഷിച്ചു’ മുഖ്യമന്ത്രി കുറിച്ചു. നിരവധിപേരാണ് ഈ കൂടിക്കാഴ്ചയില്‍ പ്രതികരണവുമായി രംഗത്ത് എത്തിയിരിക്കുന്നത്.

2012 മാര്‍ച്ച് 12ന് പുലര്‍ച്ചെയാണ് മലപ്പുറം പാണമ്പ്ര വളവിലെ ഡിവൈഡറില്‍ ഇടിച്ച് നടന്‍ സഞ്ചരിച്ചിരുന്ന കാര്‍ അപകടത്തില്‍പ്പെട്ടത്.