കൊക്കൈൻ കേസ്‌; തമിഴ് നടൻ ശ്രീകാന്ത് പോലീസ് പിടിയിൽ

സിനിമാ നടൻ ശ്രീകാന്തിനെ മയക്കുമരുന്ന് കേസിൽ തമിഴ്നാട് പോലീസ് അറസ്റ്റ് ചെയ്തു. മുൻ എഐഎഡിഎംകെ അംഗം പ്രസാദ് ശ്രീകാന്തിന് മയക്കുമരുന്ന് നൽകിയെന്ന ആരോപണത്തെ തുടർന്നുള്ള അന്വേഷണത്തിനൊടുവിലാണ് അറസ്റ്റ്.

നുങ്കമ്പാക്കത്തെ ഒരു ബാറിൽ വച്ച് നടന്ന വഴക്കിനിടയിലാണ് പ്രസാദിനെ പോലീസ് അറസ്റ്റ് ചെയ്തത്. അന്വേഷണത്തിൽ, അദ്ദേഹം മയക്കുമരുന്ന് ഉപയോഗിച്ചതായി പോലീസ് കണ്ടെത്തി. ചോദ്യം ചെയ്യലിൽ, നടൻ ശ്രീകാന്തിന് 12,000 രൂപയ്ക്ക് ഒരു ഗ്രാം കൊക്കെയ്ൻ നൽകിയതായി പ്രസാദ് വെളിപ്പെടുത്തി.

തുടർന്ന് പോലീസ് ശ്രീകാന്തിനെ ചോദ്യം ചെയ്യലിനായി വിളിപ്പിച്ചു. നുങ്കമ്പാക്കം കേസ് അന്വേഷിക്കുന്ന പ്രത്യേക പോലീസ് സംഘം മയക്കുമരുന്ന് പരിശോധനയ്ക്കായി ശ്രീകാന്തിൽ നിന്ന് രക്തം എടുത്തു. രക്തപരിശോധനാ ഫലങ്ങൾ പുറത്തുവന്നതിനുശേഷം മാത്രമേ താരത്തിനെതിരെ കേസെടുക്കണമോ എന്ന കാര്യത്തിൽ തീരുമാനമെടുക്കൂ. അതേസമയം ബന്ധപ്പെട്ട് ശ്രീകാന്തിന്റെ ഭാഗത്ത് നിന്ന് പ്രതികരണങ്ങൾ ഒന്നും ഉണ്ടായിട്ടില്ല.