പശുവിനെ ‘രാജ്യമാതാവായി’ പ്രഖ്യാപിക്കണം; ആവശ്യവുമായി ഗുജറാത്തിലെ ഏക കോൺഗ്രസ് എംപി

പശുവിനെ ഗുജറാത്തിന്റെ ‘രാജ്യമാതാവായി’ പ്രഖ്യാപിക്കണമെന്ന ആവശ്യവുമായി കോൺഗ്രസ് എംപി ഗെനി ബൈൻ ഠാക്കോർ. സംസ്ഥാനത്തുനിന്നുള്ള ഏക കോൺഗ്രസ് എംപി ഗെനി ബെൻ. അദ്ദേഹം തന്റെ ആവശ്യം കത്തിലൂടെ ഔദ്യോഗികമായി ഗുജറാത്ത് മുഖ്യമന്ത്രി ഭുപേന്ദ്ര പട്ടേലിനെ അറിയിച്ചു. മൃദു ഹിന്ദുത്വ നിലപാടിന്റെ ഭാഗമായല്ല താൻ ഈ ആവശ്യം ഉന്നയിക്കുന്നതെന്നും ജനങ്ങൾ പശുവിനെ ഗോമാതാവായി പൂജിക്കുന്നതുകൊണ്ടാണ് ഇത്തരമൊരു ആവശ്യം ഉന്നയിക്കുന്നതെന്നും ഗെനി ബെൻ പറഞ്ഞു.

Also Read : പശുകശാപ്പ് ഭരണഘടനാ മൂല്യങ്ങൾക്കെതിര്; പശു വിശുദ്ധ മൃഗം; മുൻകൂർ ജാമ്യം നിഷേധിച്ച് പഞ്ചാബ്, ഹരിയാന ഹൈക്കോടതി

2024 സെപ്റ്റംബറിൽ മഹാരാഷ്ട്ര സർക്കാർ പശുക്കളെ സംസ്ഥാനത്തിന്റെ ‘രാജ്യമാതാവായി’ പ്രഖ്യാപിച്ചിരുന്നു. സമാനമായ രീതിയിൽ ഗുജറാത്തും പ്രഖ്യാപനം നടത്തണമെന്നാണ് ഗെനി ബെന്നിന്റെ ആവശ്യം. ഇതേ ആവശ്യം മുൻ നിർത്തി പ്രാദേശിക മത നേതാവ് മഹന്ത് ദേവനാഥ് ബാപ്പു കഴിഞ്ഞയാഴ്ച‌ മുതൽ നിരാഹാര സമരം നടത്തുകയാണ്. തന്നെ പിന്തുണക്കാൻ ആവശ്യപ്പെട്ട് മഹന്ത് ദേവനാഥ് ബാപ്പു ഗുജറാത്തിലെ എംപിമാർക്ക് കത്ത് നൽകിയിരുന്നു. ഈ കത്തിന് മറുപടി ലഭിക്കാത്ത സാഹചര്യത്തിലാണ് മുഖ്യമന്ത്രിക്ക് കത്തെഴുതുന്നതെന്ന് കോൺഗ്രസ് എംപി വ്യക്തമാക്കി.

ബനാസ്‌ന്ത ലോക്സഭാ മണ്ഡലത്തിൽ ബിജെപി സ്ഥാനാർഥിയും എൻജിനീയറിങ് കോളജ് പ്രൊഫസറുമായ രേഖാ ചൗധരിയെ മുപ്പതിനായിരത്തിലധികം വോട്ടുകൾക്ക് പരാജയപ്പെടുത്തിയാണ് കഴിഞ്ഞ ലോക‌സഭാ തിരെഞ്ഞെടുപ്പിൽ ഗെനി ബൈൻ ഠാക്കോർ വിജയിച്ചത്.