പൊലീസിനും സിപിഎമ്മിനും വൻ തിരിച്ചടി; ലൈംഗിക അപവാദം പ്രചരിപ്പിച്ചെന്ന കേസിൽ ഷാജഹാന് ജാമ്യം

കൊച്ചിയിലെ സിപിഎം നേതാവ് കെ ജെ ഷൈനിനെതിരെ യൂട്യൂബിലൂടെ ലൈംഗിക അപവാദം പ്രചരിപ്പിച്ചെന്ന കേസിൽ കെ എം ഷാജഹാന് ജാമ്യം അനുവദിച്ച് കോടതി. ഇന്നലെ രാത്രി തിരുവനന്തപുരത്തെ വീട്ടിലെത്തി നടത്തിയ അറസ്റ്റിൽ രൂക്ഷമായ ചോദ്യങ്ങൾ ഉന്നയിച്ചാണ് കോടതി ജാമ്യം അനുവദിച്ചത്. ജാമ്യം കിട്ടാത്ത വകുപ്പായ ഐടി ആക്ടിലെ 67എ ഉൾപ്പെടുത്തിയതാണ് കോടതി ചോദ്യം ചെയ്തത്.

Also Read: 2006ൽ വിഎസിനെതിരെ വധശ്രമം!! ഞെട്ടിക്കുന്ന വെളിപ്പെടുത്തലുമായി കെഎം ഷാജഹാൻ; ‘മുഖ്യമന്ത്രിപദത്തിന് തടയിടാൻ പലവിധ നീക്കങ്ങളുണ്ടായി’

ഷാജഹാൻ യൂട്യൂബിൽ പോസ്റ്റുചെയ്ത കേസിന് ആസ്പദമായ വീഡിയോയിൽ അശ്ലീലമായി എന്താണ് ഉള്ളതെന്ന് കോടതി ചോദിച്ചു. പരാതിക്കാരി കെ ജെ ഷൈനിനോടുള്ള ചോദ്യങ്ങളല്ലേ അതിൽ ഉള്ളതെന്ന് കോടതി ആരാഞ്ഞു. കേസെടുത്ത് മൂന്നുമണിക്കൂറിനുള്ളിൽ അറസ്റ്റു ചെയ്തു. ചെങ്ങമനാട് സിഐക്ക് ആരാണിതിന് അധികാരം നൽകിയത് എന്ന ചോദ്യവും കോടതി പ്രോസിക്യൂഷനോട് ഉന്നയിച്ചു.

Also Read: പാർട്ടി പുറത്താക്കിയ ശേഷവും വിഎസ് പണം തന്നുവെന്ന് കെഎം ഷാജഹാൻ; ‘തൻ്റെ ജോലി കളയാനുളള പിണറായിയുടെ നീക്കവും അറിയിച്ചു’

കെ ജെ ഷൈനിനെതിരായ സൈബർ ആക്രമണക്കേസിലെ രണ്ടാം പ്രതിയാണ് കെ എം ഷാജഹാൻ. രണ്ടുപേരുടെ ജാമ്യത്തിലും 25,000 രൂപയുടെ ബോണ്ടിലുമാണ് എറണാകുളം സിജെഎം കോടതി ജാമ്യം അനുവദിച്ചത്. സമാന കുറ്റകൃത്യം ആവര്‍ത്തിക്കരുതെന്ന് കോടതി നിര്‍ദേശിച്ചു. ഷാജഹാന്‍ തുടര്‍ച്ചയായി കുറ്റം ആവര്‍ത്തിക്കുയാണ് എന്നും കസ്റ്റ‍ഡിയിലെടുത്ത് ചോദ്യം ചെയ്യേണ്ടതുണ്ട് എന്നും പ്രോസിക്യൂഷൻ വാദിച്ചെങ്കിലും കോടതിയുടെ പല ചോദ്യങ്ങൾക്കും മറുപടിയുണ്ടായില്ല.