കൊടി സുനിയെച്ചൊല്ലി സർക്കാരിനെതിരെ സിപിഐ; വേണ്ടപ്പെട്ടവർക്ക് ജയിൽ വിശ്രമകേന്ദ്രമെന്ന് വിമർശനം

സിപിഐ പത്തനംതിട്ട ജില്ലാ സമ്മേളനത്തിലെ രാഷ്ട്രീയ റിപ്പോർട്ടിൽ സർക്കാരിനെതിരെ രൂക്ഷ വിമർശനം. കൊടി സുനിയെ പോലെയുള്ളവർക്ക് ജയിൽ വിശ്രമകേന്ദ്രം പോലെയാണ്. കാപ്പാ, പോക്സോ പ്രതികൾക്ക് രാഷ്ട്രീയ സ്വീകരണം കിട്ടുന്നുവെന്നും റിപ്പോർട്ടിൽ പറയുന്നു.

Also Read : സിപിഐ മന്ത്രിമാർക്ക് ‘പിണറായി പേടി’; മന്ത്രിമാർ പരാജയം; മുഖ്യമന്ത്രിയെ ഏകാധിപതിയാക്കിയത് സ്തുതിപാഠകർ

മുഖ്യമന്ത്രിയുടെ കീഴിലുള്ള പോലീസ് വകുപ്പിനെതിരെയും റിപ്പോർട്ടിൽ വിമർശനമുണ്ട്. സംസ്ഥാനത്ത് പൊലീസുകാർ അമിതാധികാരം ഉപയോഗിക്കുകയാണ്. എഡിജിപി അജിത് കുമാറിനെ പോലെയുള്ളവർ മന്ത്രിമാരെ പോലും അംഗീകരിക്കുന്നില്ല.

Also Read : ഇടുക്കിയിൽ ‘ഇടഞ്ഞ്’ സിപിഐയും സിപിഎമ്മും; സർക്കാർ വികസനങ്ങൾ വ്യക്തികേന്ദ്രീകൃതമാകുന്നു

വിവിധ സർക്കാർ വകുപ്പുകളിൽ കുടുംബശ്രീ അംഗങ്ങളെ തിരുകി കയറ്റുന്നു. ഇത് പി എസ് സിയെയും എംപ്ലോയ്മെൻ്റ് എക്സ്ചേഞ്ചിനെയും നോക്കുകുത്തിയാക്കുന്നതു പോലെയാണ്. സിപിഐയുടെ സ്വന്തം വകുപ്പായ മൃഗസംരക്ഷണ വകുപ്പ് പ്രവർത്തനം തൃപ്‌തികരമല്ലെന്നും റിപ്പോർട്ടിൽ വിമർശനമുണ്ടായി.