മദ്യപാനത്തിലും വ്യത്യസ്തത പുലർത്തി ജെൻ-സികൾ; അറിയാം പുത്തൻ ട്രെൻഡ്

വസ്ത്രരീതി കൊണ്ടും ഭാഷാശൈലി കൊണ്ടും വ്യത്യസ്തത പുലർത്തുന്ന ജെൻ-സി തലമുറയുടെ മദ്യപാന ശൈലിയിലെ പുതുമയാണ് ഇപ്പോൾ ചർച്ചയായി കൊണ്ടിരിക്കുന്നത്. ജെൻ-സികൾ മദ്യപാനത്തിൽ നിന്നും പിന്നോട്ട് പോകുന്നുണ്ട് എന്നാണ് പഠനങ്ങൾ തെളിയിക്കുന്നതെങ്കിലും അവരുടെ കൂട്ടത്തിൽ വ്യത്യസ്തമായ മദ്യപാനരീതി അവലംബിക്കുന്ന ചിലരുണ്ട്.

Also Read : ഒടുവിൽ ജെൻ-സികൾ വിജയിച്ചു; വിലക്ക് നീങ്ങാൻ വില കൊടുത്തത് 19 പേരുടെ ജീവൻ

ബിയറിൽ ഐസ് ഇട്ട് കഴിക്കുന്ന പുത്തൻ രീതിയാണ് ജെൻ-സികൾ അവസാനമായി അവലംബിച്ചിരിക്കുന്നത്. ഐസ് നിറച്ച് ഗ്ലാസിൽ ബിയർ ഒഴിക്കുകയും ഗ്ലാസിന് ചുറ്റും നാരങ്ങയും ഉപ്പും പുരട്ടി കഴിക്കുന്നതാണ് രീതി. പുതുതലമയുടെമുറിയുടെ മദ്യപാനരീതിയെ എതിർത്തും അനുകൂലിച്ചും സോഷ്യൽമീഡിയയിൽ ചർച്ചകൾ സജീവമാണ്. യുകെയിലും വടക്കൻ യൂറോപ്പിലുമാണ് ഈ ട്രെൻഡ് ഏറ്റവും അധികമായി കാണുന്നത്.

Also Read : ജെൻ-സിക്ക് സമരം ചെയ്യാനുമറിയാം; സോഷ്യൽ മീഡിയ തന്നെ വിഷയം

കൂടാതെ ആൽക്കഹോൾ അംശം ഇല്ലാത്ത ബിയറുകളും ജെൻസികൾക്കിടയിൽ ട്രെൻഡിങ്ങാണ്. പുതിയ തലമുറ ആരോഗ്യ സംരക്ഷണത്തിൽ വലിയ ശ്രദ്ധ ചെലുത്തുന്നവരാണ് അതിനാൽ തന്നെ കമ്പനികൾ അത്തരക്കാർക്ക് വേണ്ടി ആൽക്കഹോൾ ഇല്ലാത്ത ബിയറുകൾ പുതുതായി മാർക്കറ്റിൽ ഇറക്കുന്നുണ്ട്.