പണിമുടക്കി ഇന്‍കം ടാക്‌സ് വെബ്‌സൈറ്റ്; വെട്ടിലായി നികുതിദായകർ

2024-25 സാമ്പത്തിക വർഷത്തേക്കുള്ള ആദായനികുതി റിട്ടേൺ (ഐടിആർ) സമർപ്പിക്കുന്നതിനുള്ള അവസാന തീയതി സെപ്റ്റംബർ 15 ആയിരിക്കെ വെട്ടിലായി നികുതിദായകർ. ആദായനികുതി ഇ-ഫയലിംഗ് പോർട്ടലിൽ തകരാറുകളും ലോഗിൻ പ്രശ്നങ്ങളും റിപ്പോർട്ട് ചെയ്യപെടുന്നുണ്ട്. കഴിഞ്ഞ രണ്ട് ദിവസമായി, നിരവധി ഉപയോക്താക്കൾ ലോഗിൻ ഉൾപ്പടെയുള്ള പ്രശ്നങ്ങൾ നേരിടുന്നതായി റിപ്പോർട്ടുകളു ണ്ട്. ഇത് നികുതിദായകരിൽ ആശങ്ക സൃഷ്ടിച്ചിരിക്കുകയാണ്. ഫയലിംഗ് ഫോർമാറ്റിൽ മാറ്റമുണ്ടായതും സങ്കീർണതകൾ സൃഷ്ടിക്കുന്നുണ്ട്.

സെപ്റ്റംബർ 9 മുതലാണ് വെബ്‌സൈറ്റിലെ സാങ്കേതിക പ്രശ്നങ്ങൾ ആരംഭിച്ചത്. മണിക്കൂറുകളൊളം വെബ്‌സൈറ്റ് തുറക്കാൻ കഴിയാത്ത സാഹചര്യവുമുണ്ട്. നികുതിദായകർക്ക് ആവശ്യമായ വിശദാംശങ്ങൾ ഡൗൺലോഡ് ചെയ്യാൻ കഴിയുന്നില്ലെന്നും ഐടിആർ ഫയൽ ചെയ്യാനുള്ള തീയതി മാറ്റി നൽകണമെന്നാണ് നികുതിദായകരുടെ ആവശ്യം.