‘ഇന്ത്യക്കാർക്ക് സ്വന്തം ഭാഷ പോലും അറിയില്ല’; തുറന്നടിച്ച് ആർഎസ്എസ് മേധാവി

ഇന്ത്യയിൽ മാതൃഭാഷകളുടെ ഉപയോഗം കുറഞ്ഞുവരുന്നതിൽ ആശങ്ക പ്രകടിപ്പിച്ച് ആർഎസ്എസ് മേധാവി മോഹൻ ഭാഗവത്. ‘ചില ഇന്ത്യക്കാർക്ക് സ്വന്തം ഭാഷകൾ പോലും അറിയാത്ത നിലയിലേക്ക് കാര്യങ്ങൾ എത്തിയിരിക്കുന്നു എന്നും അദ്ദേഹം പറഞ്ഞു. നാഗ്പൂരിൽ നടന്ന പുസ്തക പ്രകാശന ചടങ്ങിൽ സംസാരിക്കുകയായിരുന്നു അദ്ദേഹം.

മാതൃഭാഷയുടെയും ഭാഷാ പാരമ്പര്യങ്ങളുടെയും പ്രാധാന്യം കുറയുന്നതിനെക്കുറിച്ച് സമൂഹം ആത്മപരിശോധന നടത്തണമെന്ന് ഭാഗവത് ആവശ്യപ്പെട്ടു. ഒരു കാലത്ത് എല്ലാ കാര്യങ്ങൾക്കും സംസ്‌കൃതമായിരുന്നു പ്രധാന മാധ്യമം. എന്നാൽ, ഇന്ന് വിദേശ അധ്യാപകരാണ് പലപ്പോഴും ഇന്ത്യക്കാർക്ക് സംസ്‌കൃതം പഠിപ്പിക്കുന്നത്’.

മാതൃഭാഷയും ഇംഗ്ലീഷും കലർത്തി സംസാരിക്കുന്ന കുട്ടികൾക്ക് പലപ്പോഴും ലളിതമായ സ്വന്തം ഭാഷാപദങ്ങൾ പോലും അറിയില്ല. ഇംഗ്ലീഷ് മീഡിയം വിദ്യാഭ്യാസം മാത്രമല്ല പ്രശ്‌നം, വീടുകളിൽ പോലും ഇന്ത്യൻ ഭാഷകൾ ഉപയോഗിക്കാൻ മടിക്കുന്നത് പ്രശ്നം വഷളാക്കുന്നു. മാത്രമല്ല പല വാക്കുകളും ഇംഗ്ലീഷിലേക്ക് കൃത്യമായി വിവർത്തനം ചെയ്യാൻ കഴിയില്ല. മാതൃഭാഷകളെ സംരക്ഷിക്കുകയും ശക്തിപ്പെടുത്തുകയും ചെയ്യേണ്ടത് അത്യാവശ്യമാണെന്നും അദ്ദേഹം പറഞ്ഞു.