കൈകൊടുത്ത് ഇറാനും ഇസ്രയേലും; വെടിനിർത്തൽ നിലവിൽ വന്നു

ഇറാനും ഇസ്രയേലും തമ്മിലുള്ള സംഘർഷങ്ങൾ അവസാനിക്കുന്നു. വെടിനിർത്തൽ പ്രാബല്യത്തിൽ വന്നു എന്ന് അമേരിക്കൻ പ്രസിഡണ്ട് ഡൊണാൾഡ് ട്രംപ് പ്രഖ്യാപിച്ച് ആറുമണിക്കൂറിനുള്ളിലാണ് ഇറാനും ഇസ്രയേലും തമ്മിലുള്ള വെടിനിർത്തൽ നിലവിൽ വരുന്നത്.

Also Read: ചെയ്യുന്ന പുണ്യങ്ങൾക്കൊന്നും ക്രെഡിറ്റ് കിട്ടുന്നില്ലെന്ന് ലോകപോലീസിൻ്റെ പരിദേവനം !! ഇറാൻ- ഇസ്രയേൽ സമാധാനം ഉടനുണ്ടാകുമെന്നും വാദം

അമേരിക്ക മുന്നോട്ടുവച്ച വെടിനിർത്തൽ നിർദ്ദേശം അംഗീകരിക്കുന്നെന്ന് ഇസ്രായേൽ പ്രധാനമന്ത്രി ബെഞ്ചമിൻ നെതന്യാഹു പ്രസ്താവനയിറക്കി. ഇറാൻ ഇസ്രായേലിന് നേരെ മിസൈലുകൾ വർഷിക്കുകയും തെക്കൻ നഗരമായ ബീർഷെബയിൽ നാലുപേർ കൊല്ലപ്പെടുകയും ചെയ്തതിന് പിന്നാലെയാണ് ഈ പ്രഖ്യാപനങ്ങൾ.

Also Read: കേടായ എസി ഹമാസ് നേതാവിനെ രക്ഷിക്കുമെന്ന് ഇസ്രയേൽ ഭയന്നു; തൊട്ടടുത്ത നിമിഷം അത് ശരിയായി; പിന്നാലെ സ്ഫോടനം

ഇറാൻ ഔദ്യോഗിക ടെലിവിഷൻ ചാനലായ ഇസ്ലാമിക് റിപ്പബ്ലിക് ഓഫ് ഇറാൻ ബ്രോഡ്കാസ്റ്റിംഗ് (IRIB) വഴിയാണ് വെടിനിർത്തൽ പ്രഖ്യാപിച്ചത്. ഇറാന്റെ ആണവ കേന്ദ്രങ്ങൾ തകർക്കുമെന്ന് പ്രഖ്യാപിച്ച് തുടങ്ങിയ ആക്രമണത്തിലൂടെ പക്ഷെ ഇസ്രയേലിന് അതിന് കഴിഞ്ഞിട്ടില്ല എന്നതാണ് യാഥാർത്ഥ്യം.

Also Read: ഇസ്രായേൽ-ഇറാൻ യുദ്ധം ഹോർമുസ് കടലിടുക്കിനെ ബാധിച്ചാൽ ഇന്ത്യക്കും ഭീഷണി; പ്രത്യാഘാതങ്ങൾ പലവിധം…

വെടിനിർത്തൽ വന്നതോടെ ഇരു രാജ്യങ്ങളും വ്യോമ, നാവിക മാർഗ്ഗങ്ങൾ തുറന്നിട്ടുണ്ട്. ഇറാനും ഇസ്രായേലും തമ്മിൽ ആരംഭിച്ച സംഘർഷം സാമ്പത്തികമായും രാഷ്ട്രീയമായും മറ്റു രാജ്യങ്ങളെയും ബാധിച്ചു തുടങ്ങിയിരുന്നു. 12 ദിവസത്തെ സംഘർഷം തീർന്നത് ആശ്വാസത്തോടെയാണ് എല്ലാവരും കാണുന്നത്.