ഡിജിപിയുടെ അശ്ലീലവീഡിയോ!! കർണാടക പോലീസിനെ പിടിച്ചുലച്ച വിവാദത്തിൽ ക്ഷോഭിച്ച് മുഖ്യമന്ത്രി; വീഡിയോ വ്യാജമെന്ന് ഐപിഎസ് ഉന്നതൻ

കർണാടക പോലീസിലെ മുതിർന്ന ഉദ്യോഗസ്ഥനായ പി.രാമചന്ദ്ര റാവു (സിവിൽ റൈറ്റ്‌സ് എൻഫോഴ്‌സ്‌മെന്റ് വിഭാഗം ഡി.ജി.പി) ഉൾപ്പെട്ട അശ്ലീല വീഡിയോ പുറത്തുവന്നത് സംസ്ഥാന പോലീസിനും സർക്കാരിനും വലിയ നാണക്കേട് ഉണ്ടാക്കിയിരിക്കുകയാണ്. ഔദ്യോഗിക വേഷത്തിൽ ഓഫീസിനുള്ളിൽ വെച്ച് സ്ത്രീകളുമായി മോശമായി പെരുമാറുന്ന രീതിയിലുള്ള ദൃശ്യങ്ങളാണ് സോഷ്യൽ മീഡിയയിൽ പ്രചരിക്കുന്നത്.

എന്നാൽ പ്രചരിക്കുന്നത് മോർഫ് ചെയ്ത വീഡിയോ ആണെന്നാണ് രാമചന്ദ്ര റാവുവിന്റെ വാദം. തന്നെ വ്യക്തിഹത്യ ചെയ്യാനായി നിർമ്മിച്ച ഡീപ് ഫേക്ക് (Deep Fake) ദൃശ്യങ്ങളാണ് ഇവയെന്ന് അദ്ദേഹം ആരോപിക്കുന്നു. പൊലീസ് ഐടി വിഭാഗം വീഡിയോ പരിശോധിക്കുകയാണ്. ഡിജിപി റാങ്കിലുള്ള ഉദ്യോഗസ്ഥന്റെ സ്വകാര്യതയും ഔദ്യോഗിക പദവിയും തമ്മിലുള്ള അതിർവരമ്പുകൾ ലംഘിക്കപ്പെടുന്നത് നാടിൻ്റെ സുരക്ഷയെ സംബന്ധിച്ച ചോദ്യങ്ങൾ ഉയർത്തുന്നുണ്ട്.

Also Read : ‘അതേ ടീച്ചറേ, ഷാഫി പറമ്പിലിന് ഉമ്മയുണ്ട്, പക്ഷേ ആ ഉമ്മ ഇങ്ങനെ കള്ളം പറയില്ല’; മോര്‍ഫിങ് വീഡിയോ വിവാദത്തില്‍ രാഹുല്‍ മാങ്കൂട്ടത്തില്‍; പച്ചക്കള്ളമാണെങ്കിലും ടീച്ചറെന്നേ വിളിക്കൂവെന്ന് പരിഹാസവും

അതേസമയം പോലീസിനെ ആകെ പിടിച്ചുലച്ച വിവാദത്തിൽ കർണാടക മുഖ്യമന്ത്രി സിദ്ധരാമയ്യ കടുത്ത ക്ഷോഭത്തിലാണ് എന്നാണ് റിപ്പോർട്ടുകൾ. ഉന്നത ഉദ്യോഗസ്ഥർ ഇത്തരം വിവാദങ്ങളിൽ പെടുന്നത് സർക്കാരിന്റെ പ്രതിച്ഛായയെ ബാധിക്കുമെന്ന് അദ്ദേഹം ആശങ്ക പ്രകടിപ്പിച്ചു. വീഡിയോയുടെ പരിശോധനക്ക് ശേഷം ഡിജിപി കുറ്റക്കാരനാണെന്ന് തെളിഞ്ഞാൽ കർശന നടപടി സ്വീകരിക്കാൻ അദ്ദേഹം ആഭ്യന്തര വകുപ്പിന് നിർദ്ദേശം നൽകി.

രാമചന്ദ്ര റാവുവിനെ സംബന്ധിച്ച് വിവാദങ്ങൾ പുതിയതല്ല. മുൻപും അച്ചടക്ക നടപടികളും സസ്പെൻഷനുകളും നേരിടേണ്ടി വന്നിട്ടുള്ള ഇദ്ദേഹത്തിന്റെ പശ്ചാത്തലം ഇപ്പോഴത്തെ ആരോപണങ്ങളുടെ ഗൗരവം വർദ്ധിപ്പിക്കുന്നു. അന്വേഷണം പൂർത്തിയാകുന്നത് വരെ ഇദ്ദേഹത്തെ തൽസ്ഥാനത്ത് നിന്ന് മാറ്റിനിർത്തണമെന്ന സമ്മർദ്ദം സർക്കാരിന് മേൽ ശക്തമാണ്. ഫോറൻസിക് റിപ്പോർട്ട് പുറത്തുവരുന്നതോടെ വീഡിയോയുടെ സത്യാവസ്ഥ വ്യക്തമാകും.