ദുരന്തം പാഠമായി; ആശുപത്രി കെട്ടിടങ്ങൾക്ക് ചികിത്സയാകാം

കേരളത്തിലെ ആശുപത്രി കെട്ടിടങ്ങളുടെ ശോചനീയാവസ്ഥയെ കുറിച്ചുള്ള വാർത്തകൾ മാധ്യമങ്ങളിൽ നിറയുമ്പോഴേക്കും വിഷയത്തിൽ നടപടിക്കൊരുങ്ങിയിരിക്കുകയാണ് ആരോഗ്യവകുപ്പ്. കോട്ടയം മെഡിക്കൽ കോളേജിൽ കെട്ടിടം ഇടിഞ്ഞുവീണ് വീട്ടമ്മ മരിച്ചതിനെത്തുടർന്ന് ആരോഗ്യ വകുപ്പ് ഡയറക്‌ടറേറ്റ് ശോചനീയാവസ്ഥയിലുള്ള ആശുപത്രികളുടെ വിവരങ്ങൾ ശേഖരിച്ച് സർക്കാരിന് കൈമാറി. സംസ്ഥാനത്തെ 135 ആശുപത്രികളിലായി 225 കെട്ടിടങ്ങൾ പൊളിഞ്ഞുവീഴാറായ നിലയിലെന്നാണ് കണ്ടെത്തൽ.

അപകടാവസ്ഥയിലുള്ള കെ​ട്ടി​ട​ങ്ങ​ളു​ടെ സു​ര​ക്ഷ ഉ​റ​പ്പാ​ക്കാ​ൻ ന​പ​ടി​ക​ളു​മാ​യി സർക്കാർ. ആ​രോ​ഗ്യ മന്ത്രിയുടെയും വ​കു​പ്പ്​ സെ​ക്ര​ട്ട​റി​യു​ടെ​യും സാ​ന്നി​ധ്യ​ത്തി​ൽ ര​ണ്ട്​ ദി​വ​സ​മാ​യി ചേ​ർ​ന്ന അവ​​ലോ​ക​ന ​യോ​ഗ​മാ​ണ്​ പ്ര​വ​ർ​ത്ത​ന​ങ്ങ​ൾ​ക്ക്​ നേതൃത്വം നൽകിയത്. ഉ​പ​യോ​ഗ​യോ​ഗ്യ​മ​ല്ലെ​ന്ന്​ ക​ണ്ടെ​ത്തി​യി​ട്ടും പ്ര​വ​ർ​ത്ത​നം തുട​രു​ന്ന കെ​ട്ടി​ട​ങ്ങൾ യു​ദ്ധ​കാ​ലാ​ടി​സ്ഥാ​ന​ത്തി​ൽ പൊ​ളി​ക്കും.

Also Read : ആശുപത്രികൾ അനാരോഗ്യത്തിൽ; ചികിത്സ നൽകേണ്ടത് ആരോഗ്യവകുപ്പിനോ?

നി​ർ​മാ​ണ​ത്തി​ലു​ള്ള​തും നി​ർ​മി​ക്കാ​നി​രി​ക്കു​ന്ന​തു​മാ​യ കെ​ട്ടി​ട​ങ്ങ​ളി​ൽ സു​ര​ക്ഷ ഉ​റ​പ്പാ​ക്കും. ഈ കെട്ടിടങ്ങളിൽ വ​യോ​ജ​ന സൗ​ഹൃ​ദ സം​വി​ധാ​ന​ങ്ങ​ളും ഒ​രു​ക്കും. നി​ർ​മാ​ണം പൂ​ർ​ത്തി​യാ​യി​ട്ടും ഉ​ദ്​​ഘാ​ട​നം ചെ​യ്യാ​ത്ത​തും ഉ​ദ്​​ഘാ​ട​നം ക​ഴി​ഞ്ഞി​ട്ടും പ്ര​വ​ർ​ത്ത​നം തു​ട​ങ്ങാ​ത്ത​തു​മാ​യ കെ​ട്ടി​ട​ങ്ങ​ളു​ടെ വി​വ​ര​ങ്ങ​ൾ ശേ​ഖ​രി​ച്ചി​ട്ടു​ണ്ട്. ഉ​ദ്​​ഘാ​ട​നം വൈ​കു​ന്ന​തി​ന്‍റെ കാ​ര​ണ​ങ്ങ​ൾ അ​ന്വേ​ഷി​ച്ച്​ റി​പ്പോ​ർ​ട്ട്​ ന​ൽ​കാ​നാ​ണ്​ ബ​ന്ധ​പ്പെ​ട്ട ഉ​ദ്യോ​ഗ​സ്ഥ​ർ​ക്കു​ള്ള നി​​ർ​ദേ​ശം. വൈ​ദ്യു​തി-​കു​ടി​വെ​ള്ള ക​ണ​ക്ഷ​നു​ക​ൾ, ത​ദ്ദേ​ശ സ്ഥാ​പ​ന​ത്തി​ന്‍റെ പെ​ർ​മി​റ്റ്, അ​ഗ്​​നി​സു​ര​ക്ഷാ സ​ർ​ട്ടി​ഫി​ക്ക​റ്റ്​ തു​ട​ങ്ങി​യ​വ ല​ഭി​ക്കാ​ത്ത​തി​ന്‍റെ പ്ര​ശ്ന​മു​ണ്ടോ എ​ന്നും​ പ​രി​ശോ​ധി​ക്കും.

​​​ബ​ല​ക്ഷ​യമുള്ള കെ​ട്ടി​ട​ങ്ങ​ളി​ൽ രോ​ഗി​ക​ളു​ടെ​യും കൂ​ട്ടി​രി​പ്പു​കാ​രു​ടെ​യും പ്ര​വേ​ശ​നം ക​ർ​ശ​ന​മാ​യി ത​ട​യും. കെ​ട്ടി​ട നി​ർ​മാ​ണ​ത്തി​ന്‍റെ ചു​മ​ത​ല​യു​ള്ള ഏ​ജ​ൻ​സി​ക​ൾ സു​ര​ക്ഷാ മാ​ന​ദ​ണ്ഡ​ങ്ങ​ൾ കൃ​ത്യ​മാ​യി പാ​ലി​ക്കു​ന്നു​​​ണ്ടോ എ​ന്ന്​ നി​രീ​ക്ഷി​ക്കും. ന​ട​പ​ടി​ക​ൾ യു​ദ്ധ​കാ​ലാ​ടി​സ്ഥാ​ന​ത്തി​ൽ പൂ​ർ​ത്തി​യാ​ക്കാ​നു​ള്ള ​​പദ്ധതിക്കാണ്​ രൂ​പം ന​ൽ​കി​യി​ട്ടു​ള്ള​ത്. സർക്കാർ ആശുപത്രികളിലേക്ക് എത്തുന്ന രോഗികൾക്ക് സുരക്ഷ ഉറപ്പാക്കാനുള്ള തീവ്രശ്രമത്തിലാണ് ആരോഗ്യവകുപ്പ്.