പഹല്‍ഗാമിലെ സുരക്ഷാവീഴ്ച തുറന്നു പറഞ്ഞ് ലഫ്റ്റനന്റ് ഗവര്‍ണര്‍… ‘തീവ്രവാദികള്‍ സഞ്ചാരികളെ ലക്ഷ്യമിടുമെന്ന് കരുതിയില്ല’
പഹല്‍ഗാമില്‍ തീവ്രവാദ ആക്രമണത്തില്‍ സുരക്ഷാ വീഴ്ചയുണ്ടായി എന്ന് ഉടുവില്‍ ഏറ്റുപറച്ചില്‍. ജമ്മു കശ്മീര്‍ ലഫ്റ്റനന്റ് ഗവര്‍ണര്‍ മനോജ് സിന്‍ഹയാണ് ഈ ഏറ്റുപറച്ചില്‍ നടത്തിയിരിക്കുന്നത്. ഒരു ദേശീയ മാധ്യമത്തിന് അനുവദിച്ച അഭിമുഖത്തിലാണ് മനോജ് സിന്‍ഹയുടെ വെളിപ്പെടുത്തല്‍.
സഞ്ചാരികള്‍ക്ക് നേരെയുണ്ടായ ആക്രമണം ദൗര്‍ഭാഗ്യകരമാണ്. നിരപരാധികൾ ക്രൂരമായി കൊല്ലപ്പെട്ടു. ഉത്തരവാദിത്വം താന്‍ ഏറ്റെടുക്കുന്നു. വലിയ സുരക്ഷാവീഴ്ച ഉണ്ടായിയെന്ന് നിസംശയം പറയാം. സഞ്ചാരികളെ ലക്ഷ്യമിട്ട് ആക്രമണം ഉണ്ടാകില്ല എന്നായിരുന്നു ധാരണ. അതുകൊണ്ട് അവിടെ സുരക്ഷാസേനയുടെ സാന്നിധ്യം ഉണ്ടായില്ലെന്നും, ഇത് വലിയ വീഴ്ചയാണെന്നും മനോജ് സിന്‍ഹ വ്യക്തമാക്കി.
പാക്കിസ്ഥാന്‍ സ്‌പോണ്‍സര്‍ ചെയ്ത ആക്രമണമാണ് പഹല്‍ഗാമില്‍ നടന്നത്. ഇതു കൊണ്ടൊന്നും അവിടുത്തെ സുരക്ഷ ഇല്ലാതായെന്ന് പറയാന്‍ കഴിയില്ല. അവിടെ സമാധാനം ഉണ്ടാകരുത് എന്നാണ് പാക്കിസ്ഥാന്‍ ആഗ്രഹം. എന്നാല്‍ ജനങ്ങള്‍ ഇതിനെ എതിര്‍ത്ത് തോല്‍പ്പിക്കും. ഓപ്പറേഷന്‍ സിന്ദൂര്‍ പാകിസ്ഥാന് വലിയ തിരിച്ചടി ആയിരുന്നു. പിന്നീട് ഈ മേഖലയില്‍ ഒരു ആക്രമണവും നടത്താന്‍ തീവ്രവദികള്‍ക്ക് ധൈര്യം വന്നിട്ടില്ലെന്നും മനോജ് സിന്‍ഹ പറഞ്ഞു.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
