റെക്കോർഡ് കുടി കുടിച്ച് മലയാളികൾ; ഉത്രാട ദിനത്തിൽ മാത്രം വിറ്റത് 137കോടിയുടെ മദ്യം; ഒന്നും രണ്ടും സ്ഥാനത്ത് ഈ ജില്ലകൾ

ഓണക്കാലം മദ്യപിച്ച് ആഘോഷിക്കുകയാണ് മലയാളികൾ. കേരളത്തിലെ റെക്കോർഡ് മദ്യ വില്പന കണക്കുകൾ പുറത്ത്. കഴിഞ്ഞ 10 ദിവസത്തിനുള്ളിൽ 826.38 കോടി രൂപയുടെ മദ്യമാണ് വിറ്റുപോയത്. കഴിഞ്ഞ വർഷത്തേക്കാൾ 50കോടി രൂപയു‌ടെ മദ്യം അധികം വിറ്റു. 6 ഷോപ്പുകൾ ഒരു കോടിയിലധികം വിറ്റെന്നുമാണ് റിപ്പോർട്ട്.

Also Read : ഓൺലൈൻ വഴി മദ്യം; വിതരണം സ്വിഗ്ഗി വഴി; ശുപാർശയുമായി ബെവ്കോ

ഉത്രാടം വരെയുള്ള കണക്കാണിത്.ഓണക്കാല മദ്യ വിൽപ്പനയിൽ മുന്നിലുള്ളത് കരുനാഗപ്പള്ളി ഔട്ട്ലെറ്റാണ്. 1.46 കോടിയുടെ മദ്യമാണ് കരുനാഗപ്പള്ളിയിൽ മാത്രം വിറ്റത്. 1.24 കോടി വിൽപ്പനയുമായി കൊല്ലം ആശ്രാമം രണ്ടാം സ്ഥാനത്തും 1.11 കോടി വിൽപ്പനയുമായി മലപ്പുറം എടപ്പാൾ മൂന്നാം സ്‌ഥാനത്തുമെത്തി.