മോദിയുടെ റേറ്റിങ്ങിൽ ഇടിവ്; എന്നാൽ ജനപ്രീതിയിൽ ഒന്നാമത്!! ഇന്ത്യ ടുഡേ സർവേ ചർച്ചയാകുന്നു

ഏറ്റവും പുതിയ ‘മൂഡ് ഓഫ് ദി നേഷൻ’ (എം‌ഒ‌ടി‌എൻ) സർവേ പ്രകാരം പ്രധാനമന്ത്രി നരേന്ദ്ര മോദിയുടെ പെർഫോമൻസ് റേറ്റിങ്ങിൽ നേരിയ ഇടിവ്. ഈവർഷം ഫെബ്രുവരിയിലെ സർവേയിൽ 62 ശതമാനം പേർ അദ്ദേഹത്തിന്റെ പ്രകടനത്തെ ‘നല്ലത്’ എന്ന് വിലയിരുത്തിയപ്പോൾ, ഇപ്പോൾ അത് 58 ശതമാനമായി കുറഞ്ഞിരിക്കുന്നു. ഈ ഇടിവ് ഉണ്ടായിട്ടും, 11 വർഷത്തെ ഭരണത്തിന് ശേഷവും പ്രധാനമന്ത്രി മോദിക്കുള്ള സ്ഥിരമായ പൊതുജന അംഗീകാരമാണ് കണക്കുകൾ പ്രതിഫലിപ്പിക്കുന്നത്. ഇന്ത്യ ടുഡേയാണ് സർവേ കണക്കുകൾ പ്രസിദ്ധീകരിച്ചരിക്കുന്നത്.

Also Read : സുഭാഷ് ചന്ദ്രബോസിന്റെ ഭൗതികാവശിഷ്ടങ്ങൾ ഇന്ത്യയിലേക്ക് തിരിച്ചെത്തിക്കണം; നരേന്ദ്രമോദിയോട് അഭ്യർത്ഥനയുമായി മകൾ അനിത ബോസ് ഫാഫ്

ഇന്ത്യാ ടുഡേ-സീ വോട്ടർ ‘മൂഡ് ഓഫ് ദി നേഷൻ’ നടത്തിയ സർവേ ജൂലൈ 1 നും ഓഗസ്റ്റ് 14 നും ഇടയിൽ എല്ലാ ലോക്‌സഭാ മണ്ഡലങ്ങളിലുമായി 54,788 പേരിലാണ് നടത്തിയത്. പ്രധാനമന്ത്രി മോദിയുടെ മൂന്നാം ടേമിലെ ഇതുവരെയുള്ള പ്രകടനം ‘മികച്ചത്’ എന്ന് 34.2 ശതമാനം പേർ പ്രതികരിച്ചപ്പോൾ, 23.8 ശതമാനം പേർ ‘നല്ലത്’ എന്നാണ് അഭിപ്രായപ്പെട്ടിരിക്കുന്നത്. ഫെബ്രുവരിയിൽ നടന്ന മുൻ സർവേയിൽ പ്രധാനമന്ത്രി മോദിയുടെ പ്രകടനം മികച്ചതാണെന്ന് രേഖപ്പെടുത്തിയവർ 36.1 ശതമാനമായിരുന്നു. രണ്ടു ശതമാനത്തിൻ്റെ ഇടിവാണ് ഇക്കാര്യത്തിൽ ഉണ്ടായിരിക്കുന്നത്.

Also Read : തിരഞ്ഞെടുപ്പ് അടുത്തപ്പോള്‍ പുതിയ നാടക സദസുമായി സര്‍ക്കാര്‍; പൊളിഞ്ഞു പാളീസായ നവകേരള സദസിന് പിന്നാലെ വികസന സദസ്

സർവേയിൽ പങ്കെടുത്തവരിൽ 12.6 ശതമാനം പേർ ‘മോശം’ എന്നും 13.8 ശതമാനം പേർ ‘വളരെ മോശം’ എന്നും രേഖപ്പെടുത്തി. എൻ‌ഡി‌എ സർക്കാരിന്റെ പ്രകടനത്തോടുള്ള പൊതുജനാഭിപ്രായം ഗണ്യമായി കുറഞ്ഞുവെന്ന് സർവേയിൽ പറയുന്നു. 2025 ഫെബ്രുവരിയിൽ 62.1 ശതമാനം പേർ അതിന്റെ പ്രകടനം ‘നല്ലത്’ എന്ന് റേറ്റുചെയ്‌തു, എന്നാൽ ഏറ്റവും പുതിയ സർവേയിൽ ഈ കണക്ക് 52.4 ശതമാനമായി കുറഞ്ഞു. ഫെബ്രുവരിയിലെ 8.6 ശതമാനത്തിൽ നിന്ന് 15.3 ശതമാനം ആളുകൾ തൃപ്തരോ അതൃപ്തിയോ പ്രകടിപ്പിച്ചിട്ടില്ല.