മോഹൻലാലിന്റെ അമ്മ ശാന്തകുമാരി അന്തരിച്ചു; ആ സ്നേഹത്തണൽ ഇനി ഓർമ്മകളിൽ

മലയാളികളുടെ പ്രിയ താരം മോഹൻലാലിന്റെ അമ്മ ശാന്തകുമാരി അന്തരിച്ചു. വാർദ്ധക്യസഹജമായ അസുഖങ്ങളെത്തുടർന്ന് ചികിത്സയിലായിരുന്നു. 90 വയസായിരുന്നു. ഇന്ന് ഉച്ചയോടെ കൊച്ചി എളമക്കരയിലെ വസതിയിലായിരുന്നു അന്ത്യം. കുറച്ചു കാലമായി പക്ഷാഘാതത്തെത്തുടർന്ന് ചികിത്സയിലായിരുന്നു.

പരേതനായ വിശ്വനാഥൻ നായരാണ് ഭർത്താവ്. മോഹൻലാലിനെ കൂടാതെ പരേതനായ പ്യാരി ലാൽ എന്നൊരു മകൻ കൂടി ഉണ്ട്. ഏറെ നാളായി അസുഖബാധിതയായിരുന്ന അമ്മയെ പരിചരിക്കാനായി മോഹൻലാൽ തന്റെ പല സിനിമകളുടെയും തിരക്കുകൾ മാറ്റിവെച്ചിരുന്നു. അമ്മയുമായി വളരെ അടുത്ത ബന്ധം പുലർത്തിയിരുന്ന താരത്തിന്റെ ജീവിതത്തിലെ വലിയൊരു തണലാണ് ഇതിലൂടെ നഷ്ടമായിരിക്കുന്നത്.

മോഹൻലാലിന്റെ പല സിനിമകളിലും അമ്മയുടെ സ്വാധീനം അദ്ദേഹം പലപ്പോഴും എടുത്തുപറയാറുണ്ടായിരുന്നു. സിനിമാ ലോകത്തെ പ്രമുഖരും ആരാധകരും അമ്മയുടെ വേർപാടിൽ അനുശോചനം രേഖപ്പെടുത്തുകയാണ്.