അരിയിൽ ഷുക്കൂർ വധക്കേസ് പ്രതി ഡിവൈഎഫ്ഐ മേഖല സെക്രട്ടറി; നടപടി വിവാദത്തിൽ

ഏറെ കോളിളക്കം സൃഷ്ടിച്ച അരിയിൽ ഷുക്കൂർ വധക്കേസിലെ പ്രതിയെ ഡി.വൈ.എഫ്.ഐ മേഖല സെക്രട്ടറി തിരഞ്ഞെടുത്തത് വിവാദമാകുന്നു. കേസിൽ പ്രതിയായ കെ ഷിജിനെയാണ് കണ്ണൂർ ജില്ലയിലെ കണ്ണപുരം ഈസ്റ്റ് മേഖല സെക്രട്ടറിയായി തിരഞ്ഞെടുത്തത്.

Also Read : ബോംബ് നിർമ്മാണത്തിനിടെ കൊല്ലപ്പെട്ട ഷെറിൻ രക്തസാക്ഷി; പ്രഖ്യാപനം നടത്തി ഡിവൈഎഫ്ഐ

അരിയിൽ ഷുക്കൂർ വധക്കേസിലെ പതിനഞ്ചാം പ്രതിയാണ് ഷിജിൻ. 2012-ൽ എംഎസ്എഫ് പ്രവർത്തകനായ അരിയിൽ ഷുക്കൂറിനെ വധിക്കുമ്പോൾ, ഷിജിൻ മാടായി കോളേജിലെ എസ്എഫ്ഐ യൂണിറ്റ് പ്രസിഡൻ്റ് ആയിരുന്നു. കൊലപാതകക്കേസിലെ പ്രതിക്ക് ഡിവൈഎഫ്ഐയുടെ ഒരു പ്രധാന പദവി നൽകിയത് രാഷ്ട്രീയ കേന്ദ്രങ്ങളിലും പൊതുസമൂഹത്തിലും വലിയ വിമർശനങ്ങൾക്ക് വഴിവെച്ചിട്ടുണ്ട്.

ഷിജിനെ കൂടാതെ, ഈ കേസിലെ മറ്റൊരു പ്രതിയെ നേരത്തെ സിപിഎം ബ്രാഞ്ച് സെക്രട്ടറിയായും തിരഞ്ഞെടുത്തിരുന്നു. രാഷ്ട്രീയ കൊലപാതകക്കേസുകളിൽ പ്രതികളായവർക്ക് പാർട്ടി സംഘടനകളിൽ പദവികൾ നൽകുന്ന പ്രവണതക്കെതിരെയാണ് നിലവിൽ വിമർശനങ്ങൾ ശക്തമാകുന്നത്.