സമസ്ത നേതാവിന്റെ ‘ഞരമ്പ്’ പ്രസംഗം; രാഷ്ട്രീയക്കാര്‍ക്ക് ‘ഇന്‍ ചാര്‍ജ് ഭാര്യമാര്‍’!! ഇംഎംഎസിന്റെ അമ്മയെക്കുറിച്ചും പരാമര്‍ശം

ബഹുഭാര്യത്വത്തെ എതിര്‍ക്കുന്നതിന്റെ പേരില്‍ മന്ത്രിമാര്‍ക്കും എംഎല്‍എമാര്‍ക്കും എതിരെ അധിക്ഷേപവുമായി സമസ്ത നേതാവ്. സമസ്ത ഇകെ വിഭാഗം നേതാവും മുശാവറ അംഗവുമായ ഡോ. ബഹാഉദ്ദീന്‍ നദ്വിയാണ് വിവാദ പ്രസ്താവന നടത്തിയിരിക്കുന്നത്. പല മന്ത്രിമാര്‍ക്കും എംപിമാര്‍ക്കും എംഎല്‍എമാര്‍ക്കും ഭാര്യക്കു പുറമേ ഇന്‍ ചാര്‍ജ് ഭാര്യമാരുണ്ട് എന്നാണ് നദ്വിയുടെ പ്രസംഗം.

രാഷ്ട്രീയക്കാര്‍ക്ക് ഒരു ഭാര്യ ഉണ്ടായിരിക്കും. കൂടാതെ വൈഫ് ഇന്‍ചാര്‍ജുകളായി വേറെ ആളുണ്ടാകും. ഇങ്ങനെ ഇല്ലാത്തവര്‍ കൈയുയര്‍ത്താന്‍ പറഞ്ഞാല്‍ ആരുമുണ്ടാവില്ലെന്നും, ഇവരൊക്കെ ബഹുഭാര്യത്വത്തെ എതിര്‍ത്ത് സമൂഹത്തില്‍ മാന്യന്മാരായി നടക്കുകയാണെന്നും നദ്വി പറഞ്ഞു. കൂടാതെ ഇഎംഎസിന്റെ അമ്മയുടെ വിവാഹം നടന്നത് പതിനൊന്നാം വയസിലാണെന്നും നദ്വി പറയുന്നു.

ALSO READ : ‘മുസ്ലിങ്ങളുടെ കാര്യത്തിൽ മതനിഷേധികൾ അഭിപ്രായം പറയേണ്ടാ’; സിപിഎമ്മിനെതിരെ വീണ്ടും സമസ്ത

“കഴിഞ്ഞ നൂറ്റാണ്ടില്‍ സജീവമായി രാഷ്ട്രീയ-സാമൂഹിക-സാംസ്‌കാരിക രംഗത്തൊക്കെ പ്രവര്‍ത്തിച്ച നേതാവായിരുന്നു ഇഎംഎസ്. 11 വയസ്സുള്ളപ്പോഴാണ് ഇഎംഎസിന്റെ അമ്മയെ കെട്ടിച്ചത് (വിവാഹം ചെയ്തത്). 15 നൂറ്റാണ്ട് പിന്നിലേക്കൊന്നും പോകേണ്ട. ഇത് 20-ാം നൂറ്റാണ്ടിലെ സംഭവമാണ്. ഇനി ബഹുഭാര്യത്വത്തെക്കുറിച്ച് പറഞ്ഞാല്‍, നമ്മുടെ നാട്ടിലെ മന്ത്രിമാര്‍ക്കും എംപിമാര്‍ക്കും എംഎല്‍എമാര്‍ക്കും ഒക്കെ ഒരു ഭാര്യ ഉണ്ടാവുകയുള്ളൂ. എന്നാല്‍ ഇന്‍ ചാര്‍ജ് ഭാര്യമാര്‍ വേറെയുണ്ടാകും. വൈഫ് ഇന്‍ ചാര്‍ജ് എന്ന് അങ്ങനെ പേരു പറയില്ലെന്നുമാത്രം. ഇങ്ങനെ ഇല്ലാത്തവര്‍ കൈയുയര്‍ത്താന്‍ പറഞ്ഞാല്‍ എത്രയാളുകളുണ്ടാവും” -ഇതാണ് നദ്വിയുടെ പ്രസംഗം.