മില്‍മക്ക് പണി നല്‍കാന്‍ വീണ്ടും നന്ദിനി; ഇക്കുറി എത്തുന്നത് ​കാ​ലി​ത്തീറ്റയുമായി

എതിര്‍പ്പ് ഉയര്‍ന്നതോടെ കേരളത്തിലെ പാല്‍ വിപണിയില്‍ നിന്നും പിന്‍വാങ്ങിയ ക​ർ​ണാ​ട​ക​ ​മി​ൽ​ക്ക് ​ഫെ​ഡ​റേ​ഷ​ന്റെ​ ​’​ന​ന്ദി​നി​’ ​​വീണ്ടും കേരളത്തിലേക്ക്. പാലിന് പകരം ​​ ​കാ​ലി​ത്തീറ്റയാണ് വിപണിയില്‍ എത്തിക്കുന്നത്. 25​ ​ശ​ത​മാ​ന​ത്തില്‍ അധികം ​ചോ​ളം ഉള്ള കാ​ലി​ത്തീറ്റയാണ് ​’​ന​ന്ദി​നി​ ​ഗോ​ൾ​ഡ്’​.

തല്‍ക്കാലം മില്‍മയുടെ കാ​ലി​ത്തീറ്റയുടെ അതേ വിലയ്ക്ക് തന്നെയാണ് വില്‍ക്കുന്നതെങ്കിലും പതിയെ വില കുറച്ച് വിപണി കീഴടക്കാനാണ് നീക്കം. 5​ ​രൂ​പ​ ​മ​ൺ​സൂ​ൺ​ ​ഇ​ള​വ് നിലവില്‍ പ്രഖ്യാപിച്ചിട്ടുണ്ട്. 50​ ​കി​ലോയ്ക്ക് 1,450​ ​രൂ​പ​യാ​ണ് ​ന​ന്ദി​നി​ ​ഗോ​ൾ​ഡി​ന്റെ​ ​നി​ര​ക്ക്.​ 1394​ ​രൂ​പ​യ്ക്ക് ​വി​ത​ര​ണ​ക്കാ​ർ​ക്ക് ​ന​ൽ​കും ‘നന്ദിനി’ ബ്രാന്‍ഡിലുള്ളവ കേരളത്തില്‍ ലഭ്യമാക്കും. ആ​ദ്യ​ഘ​ട്ട​ത്തി​ൽ​ ​ക്ഷീ​ര​സം​ഘ​ങ്ങ​ളെ​യും​ ​ഇ​ട​ത്ത​രം​ ​ഫാ​മു​ക​ളെ​യു​മാ​ണ് ​ല​ക്ഷ്യ​മി​ടു​ന്ന​ത്.

കേരളത്തിലെ പാല്‍ വിപണി പഠിച്ച് പാലുമായി എത്തിയ നന്ദിനി കേരളത്തില്‍ സര്‍ക്കാര്‍ തല എതിര്‍പ്പ് വന്നതോടെയാണ് പിന്‍വാങ്ങിയത്. കുറഞ്ഞ വിലയിലാണു നന്ദിനി പാൽ ലഭ്യമാക്കിയിരുന്നത്. സർക്കാർ പ്രതിഷേധം അറിയിച്ചതോടെ വില കൂട്ടി. നന്ദിനി സാന്നിധ്യം ശക്തമാക്കും എന്ന അവസ്ഥ വന്നതോടെ മില്‍മ അരയും തലയും മുറുക്കി രംഗത്തെത്തി. പ്രതിഷേധവുമായി കേരള സര്‍ക്കാരും വന്നു. ഇതോടെയാണ് കേരളത്തിൽ നിന്നും പിൻവാങ്ങാനുള്ള തീരുമാനം കര്‍ണാടക കോഓപ്പറേറ്റീവ് മില്‍ക്ക് പ്രൊഡ്യൂസേഴ്‌സ് ഫെഡറേഷന്‍ കൈക്കൊണ്ടത്.