നെതന്യാഹുവിൻ്റെ ഭാവി മരുമകളുടെ വിവരങ്ങൾ അടക്കം ചാരന്മാർ വിറ്റു; യുദ്ധം വിവാഹത്തിന് തടസ്സം

ഇറാനു വേണ്ടി ചാരവൃത്തി നടത്തിയതിന് മൂന്നുപേർ ഇസ്രയേലിൽ അറസ്റ്റിൽ. ഇസ്രായേല്‍ പൊലീസും രഹസ്യാനേഷണ വിഭാഗമായ ഷിന്‍ബെറ്റും ചേര്‍ന്നാണ് ഇവരെ പിടികൂടിയത്. ഇസ്രയേലിന് വേണ്ടി ചാരപ്പണി നടത്തിയതിന് ഇറാനിൽ മൂന്നുപേരെ പിടികൂടി വധിച്ചതിന് പിന്നാലെയാണ് ഈ അറസ്റ്റ്.

Also Read: ലൈവായി മിസൈലാക്രമണം!! ഇറാൻ്റെ ദേശീയ ചാനലാസ്ഥാനം തകർത്ത് ഇസ്രയേൽ; ഉടനടി പ്രക്ഷേപണം പുനരാരംഭിച്ച് അവതാരകയുടെ വെല്ലുവിളിയും

പ്രധാനമന്ത്രി നെതന്യാഹുവിന്റെ മകന്റെ പ്രതിശ്രുത വധുവിൻ്റെ വിവരങ്ങളടക്കം ശേഖരിച്ച് ഇവർ ഇറാന് കൈമാറിയതായി ഇസ്രായേൽ മാധ്യമങ്ങൾ റിപ്പോർട്ട് ചെയ്തു. ഇറാനുമായുള്ള സംഘർഷത്തെ തുടർന്ന് ഈ വിവാഹം മാറ്റിവെച്ചിരിക്കുകയാണ്. ചാരപ്പണിക്ക് ഇവർ പലരെയും സ്വാധീനിച്ചതായും സൂചനയുണ്ട്.

Also Read: ഇറാൻ പ്രസിഡന്റ് സഞ്ചരിച്ച ഹെലികോപ്റ്റർ അപകടത്തില്‍പ്പെട്ടു; തിരിച്ചിറക്കിയത് അസർബൈജാൻ അതിർത്തിയില്‍; സ്ഥിരീകരിച്ച് ഇറാൻ സ്റ്റേറ്റ് ടെലിവിഷൻ

ഹൈഫ നഗരത്തിൽ നിന്നാണ് 28കാരന്‍ ദിമിത്രി കോഹൻ എന്നയാളെ അറസ്റ്റ് ചെയ്തത്. ടെൽ അവീവിൽ നിന്നുള്ള രണ്ട് യുവാക്കളും അറസ്റ്റിലായിട്ടുണ്ട്. സർക്കാർ ജീവനക്കാരുടെയും സൈനിക കേന്ദ്രങ്ങളുടെയും വീടുകളുടെ ഫോട്ടോകൾ ഇവർ ഇറാന് അയച്ചതായും വിവരമുണ്ട്.