ഓണം ബെവ്‌കോ തൂക്കി; നടന്നത് റെക്കോഡ് മദ്യ വിൽപ്പന

ഓണക്കാലം മദ്യപിച്ച് ആഘോഷിച്ച് മലയാളികൾ. കേരളത്തിലെ റെക്കോർഡ് മദ്യ വില്പന കണക്കുകൾ പുറത്ത്. ഈ ഓണക്കാലത്ത് ബെവ്‌കോയിലൂടെ മാത്രം 920.74 കോടി രൂപയുടെ മദ്യം വിറ്റഴിച്ചു. അത്തം മുതൽ മൂന്നാം ഓണം വരെയുള്ള ദിവസത്തെ കണക്കാണിത്. ഓണക്കാലത്ത് ഉത്രാടം ദിനത്തിലായിരുന്നു ഏറ്റവും കൂടുതൽ മദ്യ വിൽപ്പന നടന്നത്. തിരുവോണ ദിവസം മദ്യക്കടകൾ പ്രവർത്തിച്ചിരുന്നില്ല.

Also Read : റെക്കോർഡ് കുടി കുടിച്ച് മലയാളികൾ; ഉത്രാട ദിനത്തിൽ മാത്രം വിറ്റത് 137കോടിയുടെ മദ്യം; ഒന്നും രണ്ടും സ്ഥാനത്ത് ഈ ജില്ലകൾ

ഇതുവരെയുള്ളതിൽ വച്ച് ഏറ്റവും ഉയർന്ന ഓണക്കാല മദ്യവിൽപ്പന കണക്കാണിത്. 2024 ലെ 842.07 കോടി രൂപയുടെ മദ്യ വിൽപ്പനയാണ് കേരളത്തിൽ നടന്നത്. 9.34 ശതമാനത്തിന്റെ വർധനയാണ് ഉണ്ടായിരിക്കുന്നത്. ബെവ്കോയുടെ ആറ് ഔട്ട്ലെറ്റകളിൽ ഒരു കോടിയിലധികം രൂപയുടെ വിൽപ്പന നടന്നു.