ഉത്രാടരാത്രി ഡോക്ടറിന് അടിയും സെക്യൂരിറ്റിക്ക് കടിയും; പരാക്രമം ഒറ്റപ്പാലം താലൂക്ക് ആശുപത്രിയില്‍

ഒറ്റപ്പാലം താലൂക്ക് ആശുപത്രിയിൽ മദ്യപിച്ച് എത്തിയ ആള്‍ ഡോക്ടറെയും സുരക്ഷാ ജീവനക്കാരനെയും മർദിച്ചു. അത്യാഹിത വിഭാഗത്തിൽ ഭാര്യയെ കാണിക്കാൻ മദ്യപിച്ച് എത്തിയ ആളാണ് ആശുപത്രിയിൽ പരാക്രമം നടത്തിയത്. ആക്രമണം നടത്തിയ മുട്ടിപ്പാലം സ്വദേശി ഗോപകുമാറിനെ ഒറ്റപ്പാലം പൊലീസ് അറസ്റ്റ് ചെയ്തു.

Also Read : ഓണസദ്യയിലും പൊളിറ്റിക്സ് ; സതീശന് സദ്യ തൃപ്തിയായില്ലെന്ന് സോഷ്യൽ മീഡിയ നിരീക്ഷണം

ഡോക്ടറുടെ വസ്ത്രം വലിച്ചു കീറിയതായും സുരക്ഷാ ജീവനക്കാരനെ കടിച്ച് പരിക്കേൽപ്പിച്ചതായും ആശുപത്രി അധികൃതർ പറയുന്നു. ക്യൂ ആര്‍ കോഡ് സ്കാന്‍ ചെയ്യാന്‍ സാധിക്കുന്നില്ല എന്ന് പറഞ്ഞാണ് ഇയാൾ ബഹളം ആരംഭിച്ചത്. ഭാര്യക്ക് എന്താണ് സംഭവിച്ചതെന്ന് പരിശോധനയ്ക്കിടെ ചോദിച്ചതോടെ പ്രതി ഡോക്ടറെ കയ്യേറ്റം ചെയ്യുകയും ഷര്‍ട്ടില്‍ കയറിപ്പിടിച്ച് വലിച്ച് കീറുകയുമായിരുന്നു. കയ്യേറ്റം തടയാനെത്തിയ സെക്യൂരിറ്റി ജീവനക്കാരനെ കടിക്കുകയും ചെയ്തു.