നർകോട്ടിക്സ് ഈസ് എ ഡേർട്ടി ബിസിനസ്; സിനിമയിൽ ലഹരി ഉപയോഗം വ്യാപകമെന്ന് പൃഥ്വിരാജ്

സിനിമമേഖലകളിൽ ലഹരി ഉപയോഗം വ്യാപകമെന്ന് നടൻ പൃഥ്വിരാജ്. ലഹരി വിപത്തായി സിനിമയിൽ നിലകൊള്ളുന്നുവെന്നും പൃഥ്വിരാജ് വ്യെക്തമാക്കി. വീടുകളിലും ലഹരി ഉണ്ട്. ലഹരി ഉപയോഗിച്ചാലെ നല്ല കൃതികൾ, സിനിമ ഉണ്ടാകു എന്ന ചിന്ത തെറ്റാനാണെന്നും അദ്ദേഹം പറഞ്ഞു. ലഹരി ഉപയോഗിച്ചതുകൊണ്ട് നല്ല സിനിമകളും കൃതികളും ഉണ്ടായിട്ടില്ലെന്നും താരം വ്യക്തമാക്കി.

ലഹരി സിനിമയിൽ മാത്രം ഉള്ളൂ എന്ന് ചിലർ വിശ്വസിക്കുന്നു. എല്ലാവരും ഒരുമിച്ചു നിന്നാലെ ഈ യുദ്ധം വിജയിക്കാൻ ആകൂവെന്നും പൃഥ്വിരാജ് പറഞ്ഞു. ലഹക്കെതിരായ ഹൈബി ഈഡൻ എംപിയുടെ ക്യാമ്പയിനിൽ പങ്കെടുക്കുകയായിരുന്നു അദ്ദേഹം.

സിനിമകളുടെ ചിത്രീകരണത്തിനിടെ ലഹരി ഉപയോഗിക്കില്ലെന്ന സത്യവാങ്മൂലം സിനിമാപ്രവർത്തകരിൽ നിന്ന് എഴുതി വാങ്ങാനുള്ള നിർമാതാക്കളുടെ തീരുമാനത്തെ പിന്തുണച്ച് ടൊവിനോ രംഗത്തെത്തിയിരുന്നു.