പ്രൊഫസർ എംകെ സാനു അന്തരിച്ചു; വിടവാങ്ങുന്നത് തലമുറകൾക്ക് വഴികാട്ടിയായിരുന്ന അധ്യാപകൻ

അധ്യാപകനും എഴുത്തുകാരനുമായ പ്രൊഫസര് എം.കെ. സാനു അന്തരിച്ചു. കൊച്ചിയിലെ അമൃത ആശുപത്രിയിലായിരുന്നു അന്ത്യം. 99 വയസ്സായിരുന്നു. കഴിഞ്ഞ മാസം കാൽ വഴുതി വീണതിനെ തുടർന്ന് അദ്ദേഹത്തെ ആശുപത്രിയിൽ പ്രവേശിപ്പിച്ചിരുന്നു. ചികിത്സയിലിരിക്കെ ആയിരുന്നു മരണം സംഭവിച്ചത്.
1987ൽ എറണാകുളത്ത് നിന്നും നിയമസഭയിലേക്ക് വിജയിച്ചു.മഹാരാജാസിൻറെ പ്രിയപ്പെട്ട അധ്യാപകനായിരുന്നു പ്രൊഫസർ എംകെ സാനു. ആയിരക്കണക്കിന് ശിഷ്യൻമാരുടെ പ്രിയപ്പെട്ട സാനു മാഷ് മരണം വരെ പൊതുമണ്ഡലത്തിൽ സജീവമായിരുന്നു.
വീഴ്ചയിൽ അദ്ദേഹത്തിൻ്റെ വലതു തുടയെല്ലിനും കഴുത്തിനും ഇടുപ്പെല്ലിനും പൊട്ടൽ സംഭവിച്ചിരുന്നു. ശ്വാസകോശത്തില് ഉണ്ടായ അണുബാധയെ തുടര്ന്ന് അദ്ദേഹത്തെ ഐസിയുവില് പ്രവേശിപ്പിച്ചിരുന്നു. ഹൃദയസംബന്ധമായ പ്രശ്നങ്ങൾ, ന്യൂമോണിയ, പ്രമേഹം എന്നിവ അലട്ടിയിരുന്നതായും അമൃത ആശുപത്രി പുറത്തിറക്കിയ മെഡിക്കൽ ബുള്ളറ്റിനിൽ പറയുന്നു.അധ്യാപകൻ ,എഴുത്തുകാരൻ , പ്രാസംഗികൻ , നിരൂപകൻ എന്നീ നിലകളിൽ പ്രശസ്തനാണ് സാനു മാഷ്

കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here