പിണറായി സഭയിൽ പറഞ്ഞത് കള്ളം!! പോലീസിലെ പിരിച്ചുവിടൽ കണക്ക് പൊള്ളത്തരം; വെല്ലുവിളിച്ച് രമേശ് ചെന്നിത്തല

യുഡിഎഫ് കാലത്ത് ഒരു പൊലീസുകാരനെയും സർവീസിൽ നിന്ന് നീക്കിയില്ലെന്ന് മുഖ്യമന്ത്രി പറഞ്ഞത് തെറ്റിദ്ധരിപ്പിക്കലെന്ന് രമേശ് ചെന്നിത്തല. 144 പോലീസുകാരെ പിണറായി സർക്കാർ പിരിച്ചുവിട്ടു എന്നു പറയുന്നതും ശുദ്ധനുണ. 50ൽ താഴെ പൊലീസുകാരെ മാത്രമാണ് കഴിഞ്ഞ 10 വർഷത്തിനിടെ പിരിച്ചുവിട്ടതെന്നും, ഇതിലേറെയും സർവീസിൽ നിന്ന് നീണ്ട അവധി എടുത്തവരാണെന്നും ചെന്നിത്തല പറഞ്ഞു. യുഡിഎഫ് കാലത്ത് 60 പൊലീസുകാരെ പിരിച്ചുവിട്ടുവെന്നും ചെന്നിത്തല അവകാശപ്പെട്ടു.

Also Read : പോലീസ് രാജിൽ പിണറായിയുടെ മറുപടി തൃപ്തികരമല്ല !!! ചരിത്രം പറഞ്ഞ് പ്രതിപക്ഷത്തെ പറ്റിക്കാം; ജനങ്ങൾ മണ്ടന്മാരല്ല

പിരിച്ചുവിടപ്പെട്ടവരുടെ കണക്ക് നിയമസഭയിൽ വെക്കാൻ മുഖ്യമന്ത്രിയെ അദ്ദേഹം വെല്ലുവിളിച്ചു. ഇല്ലെങ്കിൽ സ്പീക്കർക്ക് പ്രിവിലേജ് നോട്ടീസ് കൊടുക്കുമെന്നും ചെന്നിത്തല വ്യക്തമാക്കി. പിണറായി സർക്കാർ പിരിച്ചുവിട്ട പൊലീസുകാരുടെ കണക്ക് രമേശ് ചെന്നിത്തല ചോദ്യം ചെയ്തപ്പോൾ, വ്യക്തിപരമായി മറുപടി പറയാം എന്നാണ് സഭയിൽ ചിരി പടർത്തി മുഖ്യമന്ത്രി പറഞ്ഞത്. നിലവിലെ സർക്കാർ അധികാരത്തിൽ വന്ന ശേഷം 16 കസ്റ്റഡി മരണങ്ങൾ ഉണ്ടായതിൽ ഒന്നിലും ഇരകൾക്ക് നീതി കിട്ടിയില്ലെന്നും ചെന്നിത്തല ആരോപിച്ചു.