എസ്ഡിപിഐ നേതാവിന്റെ ചരമ ദിനത്തിൽ കേക്ക് മുറിച്ച് ആർഎസ്എസ് പ്രവർത്തകർ; കേസെടുത്ത് പൊലീസ്

ആർഎസ്എസ് പ്രവർത്തകരുടെ കേക്ക് കട്ടിംഗാണ് ഇപ്പോൾ സോഷ്യൽ മീഡിയയിൽ ചർച്ചാവിഷയം. കണ്ണൂർ കണ്ണവത്താണ് സംഭവം. എസ്ഡിപിഐ നേതാവ് സലാഹുദ്ദീന്റെ ചരമദിനമാണ് ആർഎസ്എസ് പ്രവർത്തകർ കേക്ക് മുറിച്ച് ആഘോഷിച്ചത്. 2020ൽ ആണ് സലാഹുദ്ദീൻ കൊല്ലപ്പെട്ടത്. ആർഎസ്എസ്. പ്രവർത്തകനായ ശ്യാംപ്രസാദിന്റെ കൊലപാതകത്തിൻ്റെ പ്രതികാരമായിരുന്നു ഈ കൊലപാതകം.

ഈ സംഭവത്തിലൂടെ സംഘർഷ അവസ്ഥയ്ക്ക് തിരി കൊളുത്തിയിരിക്കുകയാണ് ആർഎസ്എസ്. അഭിമാനം കണ്ണവം സ്വയംസേവകർ എന്നാണ് കേക്കിൽ എഴുതിയിരുന്നത്. എസ് ആകൃതിയിലുള്ള കത്തി കൊണ്ടാണ് ഇവർ കേക്ക് മുറിച്ചത്. ഈ ആഘോഷം ഇവർ റീൽസ് ആയി ചിത്രീകരിച്ച പ്രചരിപ്പിക്കുകയും ചെയ്തു. സംഭവത്തിൽ കണ്ണവം പൊലീസ് കേസെടുത്തു അന്വേഷണം ആരംഭിച്ചു.