നിങ്ങള് ദൈവത്തെ പോലും വെറുതെവിട്ടില്ല; ശബരിമല സ്വര്ണക്കൊള്ളയില് സുപ്രീം കോടതി പരാമര്ശം അതീവ ഗുരുതരം
ശബരിമല സ്വര്ണക്കൊള്ളയുടെ വ്യാപ്തി വ്യക്തമാക്കുന്നതാണ് ഇന്ന് സുപ്രീം കോടതിയില് നിന്നുണ്ടായ പരാമര്ശം. ദേവസ്വം ബോര്ഡ് മുന് അംഗം കെപി ശങ്കരദാസ് നല്കിയ ഹര്ജി പരിഗണിച്ച സുപ്രീം കോടതി ശബരിമലയില് നടന്നതു വലിയ ക്രമക്കേടാണെന്ന് നിരീക്ഷിച്ചും. നിങ്ങള് ദൈവത്തെ പോലും വെറുതെവിടില്ലേയെന്ന അതീവ ഗുരുതരക പരാമര്ശവും സുപ്രീം കോടതിയില് നിന്നുണ്ടായി,
ഹൈക്കോടതി ഉത്തരവില് തനിക്കെതിരെ നടത്തിയ പരാമര്ശങ്ങള് നീക്കണമെന്ന് ആവശ്യപ്പെട്ടായിരുന്നു ശങ്കരദാസ് സുപ്രീം കോടതിയെ സമീപിച്ചത്. എന്നാല് പരമോന്നത കോടതി ഇത് പൂര്ണമായും തള്ളി. പ്രായത്തിന്റെ കാര്യത്തില് മാത്രമേ നിങ്ങളോട് അനുഭാവമുള്ളൂ. അതുകൂടാതെ മെറിറ്റും പരിഗണിക്കും. അല്ലാതെ മറ്റൊന്നും പരിഗണിക്കാന് കഴിയില്ലെന്ന് സുപ്രീം കോതി വ്യക്തമാക്കി. ജാമ്യാപേക്ഷയുമായി ബന്ധപ്പെട്ട കോടതിയെ സമീപിക്കാമെന്നും സുപ്രീം കോടതി വയക്തമാക്കി.
സ്വര്ണക്കൊള്ള നടന്ന കാലത്തെ ദേവസ്വം ബോര്ഡ് പ്രസിഡന്റിനെ മാത്രം അറസ്റ്റ് ചെയ്തതില് കേരള ഹൈക്കോടതി വലിയ വമര്ശനം നടത്തിയിരുന്നു. ബോര്ഡ് അംഗങ്ങളായ വിജയകുമാര്, ശങ്കരദാസഎന്നിവരെ അറസ്റ്റ് ചെയ്യാത്തതാണ് ഹൈക്കോടതിയെ ചൊടിപ്പിച്ചത്. ഇതിനു പിന്നാലെ വിജയകുമാര് എസ്ഐടിക്ക് മുന്നില് കീഴടങ്ങിയിരുന്നു.
കേരളം ചർച്ച ചെയ്യാനിരിക്കുന്ന വലിയ വാർത്തകൾ ആദ്യം അറിയാൻ മാധ്യമ സിൻഡിക്കറ്റ് വാട്സ്ആപ്പ് ഗ്രൂപ്പിൽ ജോയിൻ ചെയ്യാം
Click here
