സ്‌കൂള്‍ ക്ലാസുകളിലെ പഠനസമയം വര്‍ദ്ധിപ്പിച്ച് സര്‍ക്കാര്‍ ഉത്തരവ്; മതപഠനത്തെ ബാധിക്കുമെന്ന് മുസ്ലിം മതസംഘടനകള്‍

സംസ്ഥാനത്തെ ഹൈസ്‌കൂളുകളുടെ സമയക്രമം അരമണിക്കൂര്‍ കൂട്ടി പൊതുവിദ്യാഭ്യാസ വകുപ്പ് ഉത്തരവിറക്കി. ാവിലെ 9.45 മുതല്‍ വൈകീട്ട് 4.15 വരെ ആയിരിക്കും ഇനി മുതല്‍ ക്ലാസുകള്‍. 220 പ്രവൃത്തി ദിവസം വേണമെന്ന ഹൈക്കോടതിയുടെ കര്‍ശന നിര്‍ദ്ദേശത്തെ തുടര്‍ന്നാണ് സമയക്രമത്തില്‍ മാറ്റം വരുത്തിയത്. യുപി വിഭാഗത്തില്‍ ആഴ്ചയില്‍ ആറ് പ്രവൃത്തി ദിനം തുടര്‍ച്ചയായി വരാത്ത രണ്ട് ശനിയാഴ്ചകള്‍ പ്രവൃത്തിദിനങ്ങളായിരിക്കും. ഹൈസ്‌കൂളില്‍ 6 ശനിയാഴ്ചകളും പ്രവൃത്തിദിനങ്ങളാകും.

സ്‌കൂള്‍ സമയമാറ്റത്തില്‍ വിമര്‍ശനവുമായി മുസ്ലിം മതസംഘടനകള്‍ രംഗത്ത് എത്തിയിട്ടുണ്ട്. സമസ്തയാണ് വലിയ വിമര്‍ശനം ഉന്നയിച്ചത്. സമയമാറ്റം മത പഠനം നടത്തുന്ന കുട്ടികളെ ബാധിക്കുമെന്ന് സമസ്ത അധ്യക്ഷന്‍ ജിഫ്രി മുത്തുകോയ തങ്ങള്‍ പറഞ്ഞു. ഇത് മനസിലാക്കി സര്‍ക്കാര്‍ തീരുമാനം മാറ്റുമെന്നാണ് ബുദ്ധിമുട്ട് പ്രതീക്ഷിക്കുന്നു എന്നും ജിഫ്രി തങ്ങള്‍ പറഞ്ഞു.