കോടതി പറഞ്ഞത് കേട്ടില്ല; സോഷ്യൽ മീഡിയക്ക് നിരോധനം

ഫെയ്സ്ബുക്ക്, ഇൻസ്റ്റഗ്രാം, വാട്ട്സ് ആപ്പ്, യൂട്യൂബ്, എക്സ് ഉൾപ്പെടെയുളള 26 സോഷ്യൽ മീഡിയ പ്ലാറ്റ് ഫോമുകൾക്ക് നേപ്പാളിൽ നിരോധനം ഏർപ്പെടുത്തി. സമയ പരിധിക്കുളളിൽ സർക്കാരിൽ രജിസ്റ്റർ ചെയ്യാത്തതിനെ തുടർന്നാണ് നടപടി. സുപ്രീംകോടതി നിർദേശപ്രകാരം വ്യാഴാഴ്ച നടന്ന യോഗത്തിലാണ് തീരുമാനം.

കമ്മ്യൂണിക്കേഷൻസ് ആൻഡ് ഇൻഫർമേഷൻ ടെക്നോളജി മന്ത്രി പൃഥ്വി സുബ്ബ ഗുരുങ്ങ്, നേപ്പാൾ ടെലികമ്മ്യൂണിക്കേഷൻ അതോറിറ്റി, ടെലികോം ഓപ്പറേറ്റർമാർ, ഇന്‍റർനെറ്റ് സേവന ദാതാക്കൾ തുടങ്ങിയവർ ചേർന്നാണ് നിർണായക തീരുമാനം എടുത്തത്.

Also Read : റെക്കോർഡ് കുടി കുടിച്ച് മലയാളികൾ; ഉത്രാട ദിനത്തിൽ മാത്രം വിറ്റത് 137കോടിയുടെ മദ്യം; ഒന്നും രണ്ടും സ്ഥാനത്ത് ഈ ജില്ലകൾ

സോഷ്യൽ മീഡിയ പ്ലാറ്റ്ഫോമുകൾക്ക് രജിസ്റ്റര്‍ ചെയ്യാന്‍ ഓഗസ്റ്റ് 28 മുതല്‍ ഏഴു ദിവസത്തെ സമയം നല്‍കിയിരുന്നു. ബുധനാഴ്ച രാത്രി സമയപരിധി അവസാനിച്ചപ്പോഴും ഫേസ്ബുക്ക്, ഇന്‍സ്റ്റാഗ്രാം, വാട്ട്സ്ആപ്പ്, യൂട്യൂബ്, എക്‌സ് എന്നിവയുള്‍പ്പെടെ പ്ലാറ്റ്ഫോമുകളൊന്നും അപേക്ഷ സമര്‍പ്പിച്ചില്ല. എന്നാൽ ടെലഗ്രാം, ഗ്ലോബല്‍ ഡയറി എന്നിവ അപേക്ഷിച്ചിട്ടുണ്ടെന്നും അവക്ക് ഉടൻ അംഗീകാരം നൽകുമെന്നും മന്ത്രാലയം അറിയിച്ചു.