രവാഡ ചന്ദ്രശേഖർ എത്താൻ വൈകും; ചുമതല എച്ച് വെങ്കിടേഷിന്

സംസ്ഥാന പൊലീസ് മേധാവിയായി സര്‍ക്കാര്‍ നിയമിച്ച രവാഡ ചന്ദ്രശേഖറിന്റെ ചുമതലയേല്‍ക്കല്‍ വൈകും. നിലവില്‍ കേന്ദ്ര ഡെപ്യൂട്ടേഷനിലുള്ള രവാഡ ചന്ദ്രശേഖറിന് കേരളത്തിലേക്ക് മടങ്ങാനുള്ള കേന്ദ്രാനുമതി ലഭിച്ചിട്ടില്ല. ഇത് ലഭിച്ച ശേഷമേ അദ്ദേഹത്തിന് ചുമതലയേല്‍ക്കാന്‍ കഴിയുകയൂള്ളൂ. ഇതിന് മൂന്ന് ദിവസം വരെ എടുക്കുമെന്നാണ് വിവരം.

നിലവിലെ പോലീസ് മേധാവി ഷേക്ക് ദര്‍വേഷ് സാഹിബിന് ഇന്ന് വിരമിക്കുന്ന സാഹചര്യത്തില്‍ ചുമതല എച്ച് വെങ്കിടേഷിന് നല്‍കി സര്‍ക്കാര്‍ ഉത്തരവിറങ്ങി. ക്രമസമാധാന ചുമതലയുള്ള എഡിജിപിയാണ് എച്ച് വെങ്കിടേഷ്. രവാഡ ചന്ദ്രശേഖര്‍ ചാര്‍ജ് എടുക്കുന്നതുവരെയാണ് വെങ്കിടേഷിന് ചുമതല നല്‍കിയിരിക്കുന്നത്.