പുലിപ്പല്ല് സുരേഷ് ഗോപിക്ക് പുലിവാലാകും; ചോദ്യം ചെയ്യാൻ വനംവകുപ്പ് വിളിപ്പിക്കും

സുരേഷ് ഗോപി കഴുത്തിലണിയുന്ന പുലിപ്പല്ല് ലോക്കറ്റിൻ്റെ ഉറവിടം തേടാൻ വനം വകുപ്പ്. ഒറിജിനൽ ആണെങ്കിൽ സോഴ്സ് വെളിപ്പെടുത്തേണ്ടി വരും. ഇക്കാര്യം ആവശ്യപ്പെട്ട് കേന്ദ്ര മന്ത്രിയെ വിളിപ്പിക്കും. തൃശൂർ DFOക്ക് മുന്നിൽ ഹാജരാകാൻ ഉടൻ നോട്ടീസ് അയക്കും.

Also Read: റാപ്പര്‍ വേടന്‍ വനം വകുപ്പ് കസ്റ്റഡിയില്‍; പുലിപ്പല്ല് കേസില്‍ ഇനി തെളിവെടുപ്പ്

പൊതുപരിപാടികളിൽ പലതിലും ഈ ലോക്കറ്റ് അണിഞ്ഞ് സുരേഷ് ഗോപി പങ്കെടുത്തത് ചൂണ്ടിക്കാട്ടി തൃശൂർ സ്വദേശിയായ യൂത്ത് കോൺഗ്രസ് പ്രവർത്തകൻ മുഹമ്മദ് ഹാഷിം പൊലീസിനും വനം വകുപ്പിനും നൽകിയ പരാതിയിലാണ് അന്വേഷണത്തിനുള്ള നീക്കം തുടങ്ങുന്നത്.

Also Read: കാട്ടാനകള്‍ എത്ര; എണ്ണാന്‍ തുടങ്ങി വനം വകുപ്പ്; നാല് ആനസങ്കേതങ്ങളിലെ കണക്കെടുപ്പ് മൂന്ന് ദിവസം കൊണ്ട് പൂര്‍ത്തിയാകും

ലോക്കറ്റിലെ പുലിപ്പല്ല് ഒറിജിനൽ ആണെങ്കിൽ അത് കൈവശം വയ്ക്കാനുള്ള സർട്ടിഫിക്കറ്റ് ഹാജരാക്കേണ്ടി വരും. അതല്ല, വ്യാജമാണെന്ന് സുരേഷ് ഗോപി സമ്മതിച്ചാൽ അത് പരിശോധിച്ച് ഉറപ്പിക്കാൻ ലോക്കറ്റ് വനംവകുപ്പിന് സറണ്ടർ ചെയ്യേണ്ടി വരും.

Also Read: പിണറായി കണ്ണുരുട്ടി; പറഞ്ഞതെല്ലാം തിരുത്തി വനം മന്ത്രി ശശീന്ദ്രന്‍; ഒറ്റപ്പെടുത്തി ആക്രമിക്കരുതെന്ന് ആഭ്യര്‍ത്ഥനയും

പുലിപ്പല്പ് ഒർജിനൽ ആണെന്ന് തെളിഞ്ഞാൽ ഏഴ് വർഷം വരെ തടവുശിക്ഷ കിട്ടാവുന്ന കേസാണ് സുരേഷ് ഗോപിക്കെതിരെ വരിക. സുരേഷ് ഗോപിയുടെ പൊതുപരിപാടികളുടെ വീഡിയോ സഹിതമാണ് പരാതി. ‘ദ ഹിന്ദു’ ദിനപത്രത്തിൽ കെ എസ് സുധിയാണ് ഇക്കാര്യം റിപ്പോർട്ട് ചെയ്തത്.

Also Read: വനം ഉദ്യോഗസ്ഥർ പ്രതികളായ കസ്റ്റഡിമരണം വീണ്ടും അന്വേഷിക്കാൻ സിബിഐയോട് കോടതി; രണ്ടാം അന്വേഷണം അഞ്ചു വർഷത്തിന് ശേഷം

പുലിപ്പല്ലു കൊണ്ട് ഉണ്ടാക്കിയതെന്ന് സംശയിക്കുന്ന ലോക്കറ്റ് ധരിച്ചതിന് റാപ്പർ വേടൻ എന്ന ഹിരൺദാസ് മുരളിയെ അടുത്തയിടെ വനം വകുപ്പ് അറസ്റ്റു ചെയ്തിരുന്നു. ഇയാളുടെ പക്കൽ നിന്ന് പിടിച്ചെടുത്ത പുലിപ്പല്ല് ഫൊറൻസിക് പരിശോധനക്ക് അയച്ചിരിക്കുകയാണ്.

Also Read: കടുവയ്ക്ക് കെണി വച്ചു, വീണത് പുലി; വന്യമൃഗങ്ങള്‍ എല്ലാം നാട്ടിലുണ്ട്; അറിയാത്തത് വനം വകുപ്പ് മാത്രം

2011ൽ ആദായനികുതി റെയ്ഡിനിടെ മോഹൻലാലിൻ്റെ വീട്ടിൽ നിന്ന് ആനക്കൊമ്പ് പിടിച്ചതിൻ്റെ കുരുക്ക് ഇനിയും തീർന്നിട്ടില്ല. ഗണേഷ് കുമാർ വനംമന്ത്രിയായിരിക്കെ സർക്കാരും സഹായിച്ചിട്ടു പോലും തീർക്കാൻ കഴിയാത്ത അവസ്ഥയിലാണ് കേസ് മുന്നോട്ട് പോകുന്നത്.