കേശവദാസപുരം മനോരമ വധക്കേസ്; പ്രതിക്ക് ജീവപര്യന്തം തടവ്

തിരുവനന്തപുരം കേശവദാസപുരം മനോരമ കൊലക്കേസിൽ പ്രതിയായ ആദം അലിക്ക് ശിക്ഷ വിധിച്ചു. ജീവപര്യന്തം കഠിനതടവും 90,000 രൂപ പിഴയുമാണ് കോടതി വിധിച്ചത്.. തിരുവനന്തപുരം അസിസ്റ്റന്റ് പ്രിൻസിപ്പൽ ജുഡീഷ്യൽ മജിസ്‌ട്രേറ്റ് (ACJM) കോടതിയാണ് വിധി പ്രഖ്യാപിച്ചത്.

ബംഗാൾ സ്വദേശിയായ ആദം അലി കുറ്റക്കാരനാണെന്ന് കോടതി നേരത്തെ കണ്ടെത്തിയിരുന്നു. അടുത്ത വീട്ടിൽ പണിക്കായി എത്തിയിരുന്ന ആദം അലി, പതിവായി വെള്ളം കുടിക്കാൻ മനോരമയുടെ വീട്ടിൽ പോകാറുണ്ടായിരുന്നു. ഈ സൗഹൃദം ഉപയോഗിച്ച് മോഷണം നടത്താനായി വീട്ടിൽ കയറിയ പ്രതി, മനോരമയെ കഴുത്ത് ഞെരിച്ച് കൊലപ്പെടുത്തുകയായിരുന്നു.

വിധി പ്രസ്താവിക്കുന്നതിനിടെ പ്രതി കുറ്റക്കാരനാണെന്ന് കോടതി വ്യക്തമാക്കിയപ്പോൾ ആദം അലി കോടതിയിൽ നിന്ന് ഇറങ്ങി ഓടി. എന്നാൽ, പൊലീസും അഭിഭാഷകരും ചേർന്ന് ഇയാളെ ഓടിച്ചിട്ട് പിടികൂടുകയായിരുന്നു.