കല്യാണവിരുന്നിൽ ചിക്കൻപീസ് ചോദിച്ചയാളെ കുത്തിക്കൊന്നു!! ആളെ കൊല്ലാൻ ഓരോരോ കാരണങ്ങൾ

മനുഷ്യജീവന് ഒരു ചിക്കന്‍ പീസിന്റെ പോലും വിലയില്ലേ? കല്യാണസദ്യ വിളമ്പുന്നതിനിടയില്‍ ഒരു കഷണം ചിക്കന്‍ കുടുതലായി ചോദിച്ച യുവാവിനെ കൂട്ടുകാരന്‍ കുത്തിക്കൊന്നു. ഹിനമായ കൃത്യം നടന്നത് കര്‍ണാടകയിലെ ബെലഗാവി ഗ്രാമത്തിലാണ്.

യരഗാട്ടി താലൂക്ക് സ്വദേശി വിനോദ് മലഷെട്ടി (30) ആണ് കൊല്ലപ്പെട്ടത്. സുഹൃത്ത് അഭിഷേക് കോപ്പഡിന്റെ വിവാഹ സത്കാരത്തില്‍ പങ്കെടുക്കാനെത്തിയതായിരുന്നു വിനോദ്. അഭിഷേകിന്റെ ഫാമിലായിരുന്നു സത്കാരം ഒരുക്കിയിരുന്നത്. ആഹാരം കഴിക്കുന്നതിനിടെ ഇറച്ചിക്കറി വിളമ്പുകയായിരുന്ന വിറ്റാല്‍ ഹരുഗോപ്പിനോട് വിനോദ് ഒരു കഷ്ണം ഇറച്ചി കൂടി ചോദിച്ചു. കറി കുറച്ചാണ് നല്‍കിയതെന്നും വിനോദ് പരാതിപ്പെട്ടു.

ഇത് പിന്നീട് തര്‍ക്കത്തില്‍ കലാശിച്ചു.പിന്നാലെ ഉള്ളി അരിയുകയായിരുന്ന കത്തി പിടിച്ചു വാങ്ങിയാണ് വിറ്റാല്‍ വിനോദിനെ കുത്തിക്കൊലപ്പെടുത്തുക ആയിരുന്നു. വിനോദ് സംഭവ സ്ഥലത്തുതന്നെ മരിച്ചു. കൊലപാതകത്തില്‍ കേസ് രജിസ്റ്റര്‍ ചെയ്തതായി പൊലീസ് അറിയിച്ചു.