മോദി കാത്തുവച്ചിരിക്കുന്ന ട്വിസ്റ്റ് എന്ത്? പ്രധാനമന്ത്രിയോട് ചോദ്യങ്ങളുമായി കോൺഗ്രസ്

ജിഎസ്ടി പരിഷ്ക്കരണങ്ങൾ ഉൾപ്പടെ നടക്കാനിരിക്കെ പ്രധാനമന്ത്രി നരേന്ദ്ര മോദി സുപ്രധാനമായ തീരുമാനങ്ങൾ കൈക്കൊള്ളാൻ സാധ്യത. വൈകുന്നേരം രാജ്യത്തെ അഭിസംബോധന ചെയ്യാനിരിക്കുന്ന പ്രധാനമന്ത്രിയോട് ചോദ്യങ്ങളുമായി കോൺഗ്രസ്. ജിഎസ്ടി മാറ്റം മാത്രമാണോ സംസാരിക്കുക, അല്ലെങ്കിൽ എച്ച് വൺ ബി വീസ ഫീസ് ഉയർത്തിയതിന് ശേഷമുള്ള പ്രതിസന്ധി ചർച്ചയാക്കപ്പെടുമോ എന്ന് കോൺഗ്രസ് വക്താവ് ജയറാം രമേശ് ചോദിച്ചു.

Also Read : ബിജെപി ഇനി എൻജെപി ആകുമോ!! മോദി സർക്കാർ പോലൊന്ന് വേണം നേപ്പാളിൽ… ആഗ്രഹം പറഞ്ഞ് ‘ജെൻ സി’കൾ

ഓപറേഷൻ സിന്ദൂരിലെ മൂന്നാം കക്ഷി ഇടപെടലിനെപറ്റി മോദി പരാമർശിക്കുമോ, വഷളാകുന്ന ഇന്ത്യ-അമേരിക്ക ബന്ധം പരാമർശിക്കുമോ, തുടങ്ങിയ ചോദ്യങ്ങളാണ് കോൺഗ്രസ് ഉന്നയിച്ചത്. വൈകിട്ട് അഞ്ചോടെ രാജ്യത്തെ സംബോധന ചെയ്യുമെങ്കിലും വിഷയം എന്താകുമെന്ന് കേന്ദ്ര സർക്കാർ വ്യക്തമാക്കിയിട്ടില്ല. നാളെ മുതൽ നടപ്പിലാകുന്ന ജിഎസ്ടി പരിഷ്‌ക്കരണം വിഷയമാക്കാൻ സാധ്യതയുണ്ട്. അമേരിക്കയുമായി തുടരുന്ന നയതന്ത്ര തർക്കത്തിലും എന്തെങ്കിലും സൂചന നൽകിയേക്കാം.